“Манчестер Сити” бош мураббийи Хосеп Гвардиола жамоасининг 15 июндан 13 июлгача АҚШда бўлиб ўтадиган Клублар ўртасидаги Жаҳон чемпионатида иштирок этишини шараф деб атади. Бу ҳақда Marca нашрига таяниб Championat хабар берди.
Бу биз учун катта шараф. Бу шуни англатадики, ўтган мавсум биз Чемпионлар Лигаси ва АПЛда жуда яхши ўйин кўрсатдик ва шу боис мазкур турнирда иштирок этмоқдамиз. Бу янги мусобақа ва мен унда иштирок этишни интиқлик билан кутяпман. Клублар ўртасидаги Жаҳон чемпионатини ютиш учун ҳаракат қиламиз, лекин яна 31 та клуб бор, уларнинг ҳар бири ғолиблик учун интилади. Жорий мавсум якунларини кутамиз. Футболчиларнинг ҳолатига қараб, АҚШга кимларни олиб кетиш бўйича қарор қабул қиламиз, деди Гвардиола.
Англия Премьер Лигасининг 2024/25 йилги мавсуми 37-тур якунларига кўра, “Манчестер Сити” мусобақа жадвалида учинчи ўринни эгаллаб турибди. Агар “шаҳарликлар” навбатдаги турда ҳам ғалаба қозонса, кейинги мавсум Чемпионлар Лигаси йўлланмасини нақд қилади.
Изоҳ (0)