“Manchester Siti” bosh murabbiyi Xosep Gvardiola jamoasining 15-iyundan 13-iyulgacha AQShda bo‘lib o‘tadigan Klublar o‘rtasidagi Jahon chempionatida ishtirok etishini sharaf deb atadi. Bu haqda Marca nashriga tayanib Championat xabar berdi.
Bu biz uchun katta sharaf. Bu shuni anglatadiki, o‘tgan mavsum biz Chempionlar Ligasi va APLda juda yaxshi o‘yin ko‘rsatdik va shu bois mazkur turnirda ishtirok etmoqdamiz. Bu yangi musobaqa va men unda ishtirok etishni intiqlik bilan kutyapman. Klublar o‘rtasidagi Jahon chempionatini yutish uchun harakat qilamiz, lekin yana 31 ta klub bor, ularning har biri g’oliblik uchun intiladi. Joriy mavsum yakunlarini kutamiz. Futbolchilarning holatiga qarab, AQShga kimlarni olib ketish bo‘yicha qaror qabul qilamiz, dedi Gvardiola.
Angliya Premyer Ligasining 2024/25 yilgi mavsumi 37-tur yakunlariga ko‘ra, “Manchester Siti” musobaqa jadvalida uchinchi o‘rinni egallab turibdi. Agar “shaharliklar” navbatdagi turda ham g‘alaba qozonsa, keyingi mavsum Chempionlar Ligasi yo‘llanmasini naqd qiladi.
Izoh (0)