Англия Премьер Лигаси 37-туридан ўрин олган баҳсда “Манчестер Сити” ўз майдонида “Борнмут” устидан ишончли ғалабага эришди — 3:1.
Пеп Гвардиола шогирдлари биринчи бўлимдаёқ устунликни қўлга киритишди. 14-дақиқада Омар Мармуш ҳисобни очган бўлса, 38-дақиқада Бернарду Сильва жамоасининг иккинчи голини киритди. Иккинчи бўлимда майдонда вазият янада кескинлашди. 67-дақиқада Матео Ковачич қизил карточка олиб, жамоасини 10 киши қолдирди. Шунга қарамай, “шаҳарликлар” устунликни сақлаб қолишди. 73-дақиқада “Борнмут” аъзоси Кук Льюис ҳам майдондан четлатилди.
89-дақиқага келиб, Нико ажойиб тарзда тўпни дарвозага йўллаб, ҳисобни 3:0 кўринишига олиб келди. Сўнгги дақиқаларда “Борнмут” орадаги фарқни қисқартира олди — 90+6ъда Даниел Жеббисон ҳисобни 3:1 кўринишига келтирди.
Ушбу натижадан сўнг “Манчестер Сити” очколарини 68 тага етказди.
Маълумот учун, ўзбекистонлик футболчи Абдуқодир Ҳусанов қайдномага киртилмади.
Англия Премьер Лигаси
37-тур
20 май, сешанба
“Манчестер Сити” — “Борнмут” 3:1
Голлар: 1:0 — Мармуш (14), 2:0 — Сильва (38), 3:0 — Нико (89), 3:1 — Жеббисон (90+6).
Изоҳ (0)