Тошкент шаҳар Кичик ҳалқа автомобиль йўлининг Оққўрғон кўчаси кесишмасидан Катта Дархон кўчаси кесишмасигача бўлган бир томонлама йўналиш қисми транспорт воситалари учун ёпилади. Бу ҳақда пойтахт ҳокимлиги матбуот хизмати хабар берди.
Чеклов 22 май соат 15:00 дан 24 май соат 06:00 гача амал қилади.
Бунга Мирзо Улуғбек туманидаги қурилиш-таъмирлаш ишлари сабаб бўлади.
Кўрсатилган давр мобайнида муқобил йўналишлардан фойдаланиш тавсия этилган.
Автомашиналар ҳаракати чекланаётган кўчалар
Тошкент шаҳрининг Олмазор туманидаги кўча ярим йилга ёпилиши ҳақида хабар берилганди. Шунингдек, Зиёлилар кўчасининг Дўрмон йўли кўчаси кесишмасидан Қаландар кўчаси кесишмасигача бўлган бир томонлама йўналиш қисми 17 май соат 22:00 дан 19 май соат 08:00 гача транспорт воситалари ҳаракати учун ёпилади.
Бундан ташқари, Кичик ҳалқа автомобиль йўлининг Чингиз Айтматов кўчаси кесишмасидан Оққўрғон кўчаси кесишмасигача бўлган қисми 17 май соат 22:00 дан 21 май соат 06:00 гача барча транспорт воситалари ҳаракати учун ёпилади.
Изоҳ (0)