Тошкент шаҳрининг Зиёлилар кўчасининг Дўрмон йўли кўчаси кесишмасидан Қаландар кўчаси кесишмасигача бўлган бир томонлама йўналиш қисми 17 май соат 22:00 дан 19 май соат 08:00 гача транспорт воситалари ҳаракати учун ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, бунга Мирзо Улуғбек туманида олиб бориладиган қурилиш-монтаж ишлари сабаб бўлади.
Шунингдек, Кичик ҳалқа автомобиль йўлининг Чингиз Айтматов кўчаси кесишмасидан Оққўрғон кўчаси кесишмасигача бўлган қисми 17 май соат 22:00 дан 21 май соат 06:00 гача барча транспорт воситалари ҳаракати учун ёпилади.
Бунга эса қурилиш-таъмирлаш ишлари олиб борилиши сабаб бўлади.
Кўрсатилган давр мобайнида муқобил йўналишлардан фойдаланиш тавсия этилмоқда.
Автомашиналар ҳаракати чекланаётган кўчалар
Юнусобод туманининг Асомов кўчаси (КҲАЙ)даги йўлнинг бир йўлаги 10 апрелдан 6 майгача, Чилонзор тумани, Лутфий кўчаси чорраҳасидан Чўпон ота чорраҳасигача бўлган КҲАЙ йўналишида жойлашган йўл 10 апрелдан 22 апрелгача ёпилиши ҳақида хабар берилган эди.
Шунингдек, CAEX кўргазма мажмуасидан Янги Ўзбекистон боғи киришигача бўлган йўл 13 апрелдан 1 сентябргача транспорт воситалари ҳаракати учун ёпилади.
Мирзо Улуғбек туманидаги Ўзбекистон овози кўчаси 7/24 кўчага айланмоқда. Шу муносабат билан 27 март куни соат 7:00 дан 30 апрелгача Ўзбекистон овози кўчасининг Шастри кўчаси билан кесишмасидан Яҳё Ғуломов кўчасига қадар қисми вақтинча автомашиналар ҳаракати учун ёпилиши айтилганди.
Тошкент шаҳрининг Олмазор туманидаги кўча ярим йилга ёпилиши ҳақида хабар берилганди.
Изоҳ (0)