FIFA Россия футболига қўйилган санкцияларни бекор қилиш эҳтимоли кўриб чиқилмоқда. Бу ҳақда Euro-Football нашри хабар берди.
Унга кўра, айрим мамлакатлар, хусусан Жанубий Америка давлатлари Россия терма жамоаси ва клубларининг халқаро турнирларга қайтишини қўллаб-қувватламоқда.
Бироқ ушбу ташаббусга қарши чиққан мамлакатлар ҳам бор. Улар қаторига қуйидагилар киради: Англия, Шотландия, Уэльс, Шимолий Ирландия, Дания, Польша, Украина, Болтиқбўйи мамлакатлари (Эстония, Латвия, Литва) ҳамда Япония. Ушбу давлатларнинг футбол федерациялари Россиянинг халқаро футболга қайтишини эрта ва нотўғри қарор деб ҳисоблайди.
Эслатиб ўтамиз, UEFA ва FIFA томонидан Россия футбол иттифоқига нисбатан санкциялар 2022 йилнинг февраль–март ойларида жорий этилган эди. Маълумот учун, Россия Украинага қарши уруши асосий сабаб санкцияга учраган эди. Руслар шундан бери халқаро мусобақаларда иштирок этмаяпти.
Изоҳ (0)