Россия футбол иттифоқи (РФИ) Украина терма жамоаси бош мураббийи Олександр Петраковни россияликларни камситишда ва нейтрал сиёсий позицияни сақлашдан бош тортишда айбламоқда, дея хабар беради The Guardian.
РФИ ташкилотдан мураббийни лавозимидан четлатишни сўрамоқда.
УЕФА назорат, этика ва интизом бўйича органига РФИ бош котиби ўринбосари Денис Рогачев хат ёзган. Далил сифатида у Петраковнинг Corriere dello Sport (Италия) ва «Спорт Экспресс» (Россия) нашрларидаги иқтибосларини келтирган.
Петраков россияликларни халқаро мусобақалардан четлаштириш кераклиги ҳақидаги чақириқлари, шунингдек, қуролли кучлар сафига қўшилишни хоҳлаётгани ҳақидаги баёнотлари учун УЕФА одоб-ахлоқ кодексини бузганликда айбланмоқда.
Аввалроқ Петраков Россия қўшинларига қарши чиқиш учун қўлига қурол олишга тайёр эканини айтганди.
Изоҳ (0)