УЕФА Россия футбол иттифоқининг шикоятидан сўнг Украина терма жамоаси бош мураббийи Олександр Петраковни жаримага тортди.
Бу ҳақда Украина футбол ассоциацияси раҳбари Андрей Павелко маълум қилди.
«Россияликларнинг Украина терма жамоаси бош мураббийи Олександр Петраков ҳақидаги ваҳимасига ортиқча эътибор қилиш шартмас, чунки УЕФА уларнинг бемаъни шикоятини аллақачон кўриб чиққан. Албатта, мураббий истеъфоси ҳақида қарор йўқ ва бўлиши ҳам мумкин эмас. Фақатгина огоҳлантириш ва кичик жарима белгиланди, УФА буни тўлашга қодир», — деб ёзади Павелко.
Аввалроқ РФИ Украина терма жамоаси бош мураббийини лавозимидан четлаштиришни талаб қилгани хабар қилинганди. Иттифоқ Украина терма жамоаси бош мураббийи Олександр Петраковни россияликларни камситишда ва нейтрал сиёсий позицияни сақлашдан бош тортишда айблаганди.
Изоҳ (0)