Миллиардер Роман Абрамович Telegramъдаги россиялик Forbes рейтингининг энг машҳур аъзосига айланди. Бу ҳақда TGStat Agency реклама агентлигига таяниб, Forbes хабар бермоқда.
-38.jpg)
Мутахассислар рус тилидаги каналларда россиялик миллиардерларнинг кўришлар сони ва тилга олинишини таҳлил қилишди.
TGStat агентлигининг бошқарувчи ҳамкори Мария Борисенконинг сўзларига кўра, 2022 йилда 500 000 та каналда жойлаштирилган 600 миллиондан ортиқ нашрлар таҳлил қилинган.
Натижада россиялик миллиардерларнинг ҳар бири учун 2022 йилда Telegramъда унинг исми кўрсатилган постларнинг умумий сони ҳамда бундай нашрларни кўришлар сони ҳисоблаб чиқилди.
Роман Абрамович Forbes рейтингида ҳамкасбларини катта фарқ билан ортда қолдирди: унинг исми жами 90 530 марта тилга олинган, нашрларнинг умумий кўришлар сони эса қарийб 980 миллионга яқинлашган.
Бу Россия ва Украина ўртасида уруш бошлангандан кейин санкциялар остида қолган Абрамовичнинг “Челси” футбол клубини сотишга мажбур бўлгани, Россия-Украина музокараларида қатнашгани билан изоҳланади.
Рейтингнинг тўртинчи поғонасидан асли келиб чиқиши ўзбекистонлик бўлган Алишер Усмонов жой олди.
24 февралдан сўнг Алишер Усмонов Буюк Британия, Европа Иттифоқи ва АҚШ санкциялари остига тушди (аммо Қўшма Штатлар бизнесменни компания чекловларидан олиб ташлади).
Баҳорда Усмоновнинг апрель ойида Гамбург портида ҳибсга олинган 512 футлик “Дилбар” яхтасига эътибор қаратилди. Июнь ойида бадиий гимнастика бўйича Россия терма жамоаси бош мураббийи Ирина Винер-Усмонова миллиардер билан никоҳи бекор қилинганлигини эълон қилди. Кейинчалик Усмонов ажрашиш тўғрисидаги аризасини қайтариб олган. Эр-хотин 1992 йилда турмуш қуришганди.
Telegram мессенжерида энг машҳур бўлган россияликлар ўнлиги қуйидагича:
- Роман Абрамович
- Павел Дуров
- Олег Дерипаска
- Алишер Усмонов
- Михаил Фридман
- Владимир Потанин
- Геннадий Тимченко
- Алексей Мордашов
- Петр Авен
- Владимир Евтушенко
Изоҳ (0)