Қирғизистон терма жамоаси дарвозабони Эржан Toкатаевга Россия, Қозоғистон ва Ўзбекистон чемпионатларидан қизиқиш бўлмоқда. Бу ҳақда журналист Александр Троицкий Telegram каналида хабар берди.
Манбага кўра, Жаҳон чемпионати саралаши 7-тур доирасидаги Ўзбекистонга қарши баҳсда кўрсатган ўйинидан кейин бир нечта клублар Toкатаевга алоқага чиққан. Улар орасида Россия Премьер Лигаси ва Биринчи Лигаси жамоалари, Қозоғистон ҳамда Ўзбекистоннинг иккита клуби бор. Ҳозирча ушбу жамоаларнинг номи ошкор қилинмаган.
Футболчи Тошкентдаги ўйинда 8 та сейв амалга оширди ва Элдор Шомуродов томонидан амалга оширилган пенальтини қайтарди. Шунингдек, у Sofascore томонидан учрашувнинг энг яхши 2-ўйинчиси сифатида эътироф этилди — 8,5 балл.
Эржан Toкатаев ҳозирда Туркия Биринчи Лигаси жамоаси “Шанлурфасфор” сафида ҳаракат қилади. Унинг клуб билан шартномаси 2025 йилнинг 30 июнига қадар амал қилади. Кипер бунгача Қирғизистоннинг “Дордой” ва “Олға”, шунингдек Қозоғистоннинг “Турон” ҳамда “Каспий” каби жамоалари шарафини ҳимоя қилган.
Изоҳ (0)