Footy Rankings портали Ўзбекистон Суперлигасининг 10-тури якунларига кўра жамоаларнинг чемпион бўлиш, халқаро мусобақаларга чиқиш ва қуйи лигага тушиб кетиш имкониятини баҳолади.
Чемпион бўлиш ҳамда халқаро мусобақаларга чиқиш имконияти
Бир нечта жамоа Элит ОЧЛ ҳамда Чемпионлар Лигаси 2 мусобақаси йўлланмаси учун курашмоқда. “Насаф” ва “ОКМК” кучли чемпионликни қўлга киритиш ҳамда кейинги мавсум Элит Осиё Чемпионлар Лигасида қатнашиш учун яхши имкониятга эга бўлиб турибди. “Нефтчи”да пасайиш кузатилган бўлса-да, ҳамон уларда кучлилар қаторида қайд этилмоқда. “Навбаҳор” ва “Пахтакор” эса 10-турдаги ғалабаларидан кейин имкониятини ошириб олди.
“Насаф” – 60% (+7%)
“ОКМК” – 56% (−6%)
“Нефтчи” – 19% (−2%)
“Навбаҳор” – 17% (+3%)
“Пахтакор” – 13% (+2%)
Тўғридан-тўғри Про Лигага тушиб кетишиши мумкин бўлган жамоалар
Жадвалнинг энг пастки қисмида ҳам кураш қизғин кечмоқда. Ҳозирча “Шўртан” хавфли зонада турибди. Шунга қарамай, жамоа олдинги ҳафтага нисбатан ҳолатини анча яхшилаб олди. “Бухоро” ҳам Про Лигага тушиб кетиш зонасида турибди. “Машъал” эса илк бор тўғридан-тўғри қуйи чемпионатга тушиб кетадиган жамоалар рўйхатга қўшилди.
“Шўртан” – 53% (−13%)
“Бухоро” – 26% (+6%)
“Машъал” – 9% (янги)
Суперлигада қолиш учун плей-оффда қатнашиши мумкин бўлган жамоалар
Ушбу зона кураш янада қизғин кетмоқда. “Машъал” ва “Бухоро” плей-офф ўйинларида иштирок этиш эҳтимоли юқори бўлган жамоалар қаторида. “Қўқон-1912”, “Хоразм”, “Андижон”, “Қизилқум” ва “Соғдиёна” ҳам хавфли чизиққа яқин жойлашган.
“Машъал” – 67% (+5%)
“Бухоро” – 63% (−8%)
“Қўқон-1912” – 50% (+1%)
“Хоразм” – 44% (−20%)
“Андижон” – 42% (+11%)
“Қизилқум” – 36% (+7%)
“Сўғдиёна” – 32% (+8%).
Изоҳ (0)