Ўзбекистон Суперлигаси 5-тури доирасидаги “Насаф”—“Сурхон” учрашуви якунига етди. Қизиқарли ўтган баҳс тақдирини ягона гол ҳал қилди.
Беллашув кескин курашлар остида бошланди. 42-дақиқада “Насаф” учрашувда ҳисобни очди. Гол муаллифи — Драган Черан. Сербиялик ҳужумчи термизликлар жарима майдончаси ичидаги тартибсизликлардан фойдаланиб, мавсумдаги илк голини киритди.
Иккинчи тайм ўртасига келиб, “Насаф” майдонда бир киши кам бўлиб қолди. Рақибга қилган қўполлиги сабаб Ойбек Бозоров майдондан четлатилди. Учрашувнинг қолган дақиқалари ҳам қизғин курашларга бой бўлди, аммо мухлислар бошқа голларга гувоҳ бўлишмади.
Шу тариқа “Насаф” очколари сонини 11 баллга етказиб олди ва Суперлига турнир жадвалида 3-ўринга кўтарилиб олди. “Сурхон” 3 очко тўплаган ҳолда 14-ўринни эгаллаб турибди.
Ўзбекистон Суперлигаси
5-тур
13 апрель, якшанба
“Насаф” — “Сурхон” 1:0
Гол: 1:0 — Драган Черан (42)
Изоҳ (0)