Футбол бўйича Ўзбекистон Суперлигасининг 22-туридан ўрин олган баҳс 28 октябрь, душанба куни бўлиб ўтди.
“Динамо” “Насаф”га қарши баҳс олиб борди. Учрашувнинг биринчи бўлимида дарвозалар ишғол этилмади. Иккинчи бўлимда эса самарқандликлар ҳисобни очди. 55-дақиқада урилган гол муаллифи Хислат Ҳалилов бўлди.
74-дақиқада Жоэл Кожо ўйиндаги иккинчи голни урганди, бироқ ушбу гол ўйиндан ташқари ҳолат туфайли бекор қилинди. Ўйин охирида эса Муродбек Раҳматов ҳисобни тенглаштирди.
Ҳакам қўшиб берган дақиқаларда эса “Насаф” пенальти ишлаб олди. 90+11-дақиқада дарвозабон Абдувоҳид Неъматов ушбу пенальтини аниқ амалга оширди.
Бир оз аввал “Насаф”нинг энг яқин таъқибчиси “ОКМК” ўзида “Нефтчи”ни қабул қилиб, 1:2 ҳисобида ютқазган эди.
Суперлига
22-тур
28 октябрь, душанба
“Динамо” — “Насаф” 1:2
Голлар: 1:0 — 55 Хислат Ҳалилов, 1:1 — 88 Муродбек Раҳматов, 1:2 — 90+11 Абдувоҳид Неъматов.
“Динамо”: 13. Равшанбек Ягудин, 3. Улуғбек Абдуллаев (8. Хислат Халилов, 46), 6. Жаҳонгир Ўрозов, 7. Франсис Нарх, 10. Жоэл Кожо, 17. Салим Мустафоев, 18. Дилшод Раҳматуллаев (11. Маркос Кайк, 46), 21. Анваржон Хожимирзаев, 44. Душан Мийич, 70. Майкон Дуглас (23. Азизбек Аҳмедов, 68), 77. Воҳиджон Оқбўтаев.
“Насаф”: 35. Абдувоҳид Неъматов, 4. Дилшод Комилов, 5. Ғолиб Ғайбуллаев, 7. Акмал Мозговой, 8. Зафармурод Абдираҳматов (44. Шаҳзод Акрамов, 70), 9. Жавоҳир Сидиқов (6. Мурод Раҳматов, 54), 14. Шароф Муҳитдинов (10. Бобир Абдихолиқов, 54), 19. Стефан Чолович, 22. Игор Голбан (28. Шуҳрат Муҳаммадиев, 70), 32. Зоран Марушич, 77. Ойбек Бозоров.
Огоҳлантиришлар: Ғолиб Ғайбуллаев (17), Воҳиджон Оқбўтаев (29), Дилшод Комилов (80).
Изоҳ (0)