Ўзбекистон ҳакамлар маркази Суперлига 23-тур доирасидаги “Локомотив” — “Насаф” ўйинида мезбонлар ҳимоячиси Иван Рогачга 35-дақиқада кўрсатилган қизил карточка бўйича расмий изоҳ берди. Бу ҳақда Ўзбекистон футбол ҳакамлари маркази маълум қилди.
“Мазкур баҳснинг 35-дақиқасида бош ҳакам Аҳрол Рисқуллаев бурчак зарбаси амалга оширилиши олдидан тошкентликларнинг 4-рақамли вакили Иван Рогачни оғзаки огоҳлантирган. Аммо бунга жавобан футболчи реферининг оиласига нисбатан ўз тилида кескин ҳақорат қилган. Буни серб тилини тушунадиган Рисқуллаев эшитган ва унга тўғридан тўғри қизил карточка кўрсатган”, дейилади Ўзбекистон ҳакамлар маркази расмий муносабатида.
Аввалроқ уч тур қолганида иккинчи ўринда бораётган “ОКМК” клубидан 10 очко ўзиб кетган “Насаф” ўз тарихида биринчи бор Ўзбекистон Суперлигаси чемпиони бўлди.
Жамоа 4 карра Суперлигада кумуш медалларини қўлга киритган ва шунча бор Ўзбекистон Кубогини қўлга киритган.
Изоҳ (0)