Ўзбекистон Суперлигаси 9-тури доирасидаги “Машъал” — “Қизилқум” учрашуви якунига етди. Муборакда ўтган баҳда томонлар 2:2 ҳисобида дуранг ўйнади.
Учрашувдаги ҳисоб майдон эгалари томонидан очилди. 21-дақиқада Ҳумоюн Муртазоев “Қизилқум” дарвозасини ишғол қилди. Биринчи бўлим ушбу ҳисоб билан якунланди.
Иккинчи тайм бошида меҳмонлар кетма-кет икки марта рақиб дарвозасига гол киритишни уддалади. Ален Машович дубль қайд этиб, жамоасини ҳисобда олдинга олиб чиқди.
72-дақиқада Муртазоев яна бир бор “Қизилқум” дарвозасига тўп киритиб, ҳисобни тенглаштирди. Мазкур натижа бошқа ўзгармади ва томонлар 2:2 ҳисобида жанговор дуранг қайд этди.
Мазкур ҳисобдан кейин “Қизилқум”нинг ҳам, “Машъал”нинг ҳам ҳисобидаги очколар 11 баллга етди ва улар турнир жадвалида 9 ҳамда 10-ўринларни эгаллаб турибди.
Ўзбекистон Суперлигаси
9-тур
11 май, якшанба
“Машъал” — “Қизилқум” 2:2
Голлар: 1:0 — Муртазоев (21), 1:1 — Ален (55), 1:2 — Ален (68), 2:2 — Муртазоев (21).
Изоҳ (0)