Мадриднинг “Реал” клуби “Ливерпуль” марказий ҳимоячиси Иброҳим Конатени сотиб олиш имкониятини кўриб чиқмоқда. Испаниянинг Diario AS нашрига кўра, “қироллик клуби” француз футболчисини трансфер ойнасининг сўнгги кунларига қадар сотиб олишга уриниб кўради.

Ҳозирда “Ливерпуль” Марк Геҳи (“Кристал Пэлас”) ва Жованни Леони (“Парма”) каби футболчиларни ўз сафига қўшиб олиш устида ишламоқда. Агар ушбу трансферлар амалга ошса, Конатенинг “Реал”га ўтиш эҳтимоли ошади.
26 ёшли фулбек янги мавсум бошланишига қадар “Реал” сафига ўтишни истамоқда, бироқ агар “қироллик клуби” уни сотиб олишга улгурмаса, ҳимоячи келаси йилгача кутишга ҳам тайёр. Манбага кўра, “Реал” Конате учун 25 миллион евролик таклиф тайёрламоқда. Агар “Ливерпуль” ушбу суммага рози бўлмаса, мавсум якунлангач, уни текинга қўлга киритишга ҳаракат қилиб кўради. Сабаби Иброҳимнинг “қизиллар” билан шартномаси 2026 йилнинг ёзида якунлади.
Маълумот учун, Конате 2021 йилдан буён “Ливерпуль” сафида ўйнаб келади ва жамоа билан Англия Кубоги ҳамда Лига Кубогини қўлга киритган.
- Футболчи ўтган мавсум “Ливерпуль” таркибида 39 учрашувда майдонга тушиб, 2 гол ва 2 ассист муаллифига айланган.
- Transfermarkt портали француз ҳимоячисининг нархини 60 миллион еврога баҳоламоқда.
Изоҳ (0)