Турдизи лойиҳаларининг ўзига хос хусусияти — бош қаҳрамонлар ёрқин жуфтликлар ҳисобланади. Бироқ баъзан актёрлар танлови, томошабинлар фикрига кўра, кутилган даражада бўлмайди. Ижтимоий тармоқларда тез-тез сериалнинг муваффақиятсизликка учраши айнан бош роллардаги икки актёрга боғлиқ бўлгани ҳақидаги фикрларга дуч келиш мумкин. Бугун машҳур турк сериалларидаги айнан қайси жуфтликлар томошабинларга умуман ёқмагани ҳақида суҳбатлашамиз.
Алп Навруз ва Илайда Алишан
Айнан шу ёш актёрлар “Бозор” сериалида Мунаввар ва Кенан ролларини ижро этишади. Сериал намойиш этилгач, кўплаб томошабинлар актёрлар ўртасида ҳеч қандай уйғунлик йўқлигини ва ҳатто ташқи кўринишдан ҳам бир-бирига мос келмаслигини таъкидлашди. Илайда Алишанни ролига мос эмасликда ҳам айблашди. Сериал паст рейтинг олди ва шу сабабли муддатидан олдин якунланди.
Ўзжан Дениз ва Ирем Ҳелважиоғлу
Яқин вақтгача Ўзжон Дениз ўзидан анча ёш ва жозибали қизларга ошиқ бўладиган эркаклар ролини ижро этади. “Сени узоқ кутдим” фильмида турк актёри нафақат бош ролни ўйнади, балки бош сценарийнавис сифатида ҳам ишлади. Бироқ унинг Ирем Хелважиоғлу билан партнёрлиги томошабинларга ёқмади. Биринчидан, турк сериаллари мухлисларига юлдузлар ўртасидаги катта ёш фарқи ёқмади, иккинчидан, экранда улар ўртасида мутлақо ҳеч қандай уйғунлик сезилмасди. “Бозор” сериали каби бу кўп қисмли фильм ҳам муддатидан олдин якунланди.
Киванч Татлитуғ ва Элчин Сангу
Бу турдизи юлдузлари бир пайтлар машҳур бўлган “Тўқнашув” сериалида бош ролларни ижро этган. Бироқ Киванч Татлитуғнинг содиқ мухлислари ҳамон унинг Элчин билан жуфтлиги муваффақиятсиз бўлганини таъкидлашмоқда. Баъзилар бундай салбий қарашнинг сабаби айнан қаҳрамонларнинг ҳикоясига боғлиқ деб ҳисоблайди — чунки бу асарда севги чизиғи асосий ўринда эмас. Бошқалар эса Сангу шунчаки ўз ҳамкасабининг профессионал маҳорати ва актёрлик даражасига ета олмаганига ва шу сабабли уларнинг жуфтлиги жуда хом чиққан деб ҳисоблайди.
Керем Бурсин ва Ҳафсанур Санжакутан
“Агар кучли севсанг” сериали эълон қилингач, ижтимоий тармоқларда тўполон кўтарилди. Кўплаб турдизи мухлислари Ҳафсанурнинг Керем Бурсинга мутлақо мос келмаслигини, чунки у Ҳанде Эрчел даражасидаги гўзаллик ва маҳоратга етолмаслигини ёзишди. Сериал премерасидан сўнг, танқидчилар актёрларни ҳис-туйғусиз рол ўйнаганликда ва жуфтликда мутлақо таъсирчанлик йўқлигида айблашди. Бироқ айримлар юлдузларнинг романтик саҳналарни яхши ижро этганларини таъкидлашди. Шундай бўлса-да, баъзилар Атеш ва Лейла жуфтлигини ҳамон турдизидаги энг омадсиз жуфтликлардан бири деб ҳисоблашмоқда.
Изоҳ (0)