“Аватар” — томошабинлар орасида кенг танилган ва маданий феномен даражасига кўтарилган фильм. Жеймс Кемерон суратга олган ушбу картинада Дейк Салли ҳикояси кўрсатилади. У “аватар” кўринишида Пандора сайёрасига фойдали қазилмалар излаш учун жўнаб, маҳаллий На’ви халқига дуч келади. Уларни яхшироқ тушуниш ва режасини амалга ошириш мақсадида халқ орасига киришга ҳаракат қилади. Аммо унинг режаси ўзгаради, чунки у Пандора сайёрасининг маҳаллий қизи Нейтирига ошиқ бўлади.
“Аватар” аввало ўзининг эстетик гўзаллиги билан ажралиб туради: Пандора сайёрасининг манзаралари жуда ҳайратланарли. Эртакнамо ўрмонлар, қоялар ва ҳайвонот олами фильм якунлангач ҳам томошабиннинг хотирасида муҳрланиб қолади.
Ҳикоянинг иккинчи қисми “Аватар: Сув йўли” — Дейк, унинг рафиқаси ва болаларининг ҳаётига қаратилган. Улар хавф остида қолиб, ўзларини қутқариш режаси устида ишлай бошлашади. Шу мақсадда улар янги “Меткайина” қабиласига бориб, ҳимоя излашади. Воқеалар биринчи фильм воқеаларидан 15 йил ўтгач содир бўлади. Эндиликда улар сувда яшовчи На’ви лар орасида бошпана топади. Фильмда тасвирланган сув ости дунёси эса томошабинни сеҳрлаб қўяди.
Учинчи қисмда бизни нима кутмоқда
“Аватар: Олов ва кул” фильми 2025 йил 19 декабрда намойишга чиқади. Учинчи фильм аввалги қисмларга қараганда жиддийроқ ва драматикроқ бўлиши кутилмоқда. Ҳикоя “Сув йўли” воқеаларидан икки ҳафта ўтиб бошланади. Қаҳрамонлар ҳали ҳам Дейк ва Нейтирининг катта ўғли Нетеямнинг вафотидан чуқур қайғуда. Бу йўқотиш эр-хотин орасидаги муносабатларга путур етказди.
Маълум бўлишича, энди Дейк ва Нейтирининг оиласини янги хавф-хатарлар кутмоқда. Кўк танли одамлар яшайдиган Пандора сайёраси уларга қарши янги душманлар тайёрлаб қўйган. Бу душманлар бош қаҳрамонларни таъқиб қилишади. Улар бу сафар оловли “Манкван” қабиласи билан тўқнаш келади. Бу қабила ўз вақтида ғазабланган табиий офат — вулқон билан юзма-юз келган ва унинг оқибатлари оғир кечган. “Манкван” — Пандора сайёрасидаги ёвузлик тимсоли бўлиб, улар шафқатсиз ва адолатсиз ҳаракат қиладилар. Демак, мухлисларни ниҳоятда драматик воқеалар кутмоқда.
“Манкван” қабиласидан ташқари, учинчи фильмда яна бир янги қабила — “Тлалим” ёки “Шамол савдогарлари” пайдо бўлиши маълум. Бу қабила ҳаво билан боғлиқ. Бу ерда яшовчи На’ви лар меҳрибонликлари ва яқинларига ёрдам беришга тайёрликлари билан ажралиб туради ва ҳеч қачон ҳеч кимга зарар етказмайди.
“Учинчи қисмда биз атайлаб соддалаштирилган оқ-қора, ёки бизнинг ҳолатда кўк-пушти дунёқарашидан узоқлашмоқчи эдик, ъбарча одамлар ёмон, барча На’ви лар эса яхшиъ деган парадигмадан қочишга ҳаракат қилдик”, деди Жеймс Кемерон.
Унинг сўзларига кўра, учинчи қисмнинг муҳим элементи қаҳрамонларнинг ривожланиши бўлади.
“Биз янги маданиятлар, янги мавжудотларни кўрамиз. Буларнинг барчаси навбатдаги ъАватаръ фильмидан кутган нарсаларингиздир, лекин сериянинг асл мақсади бу фильмлари қаҳрамонлар билан бирга яшаш, уларга ҳамроҳ бўлиб эпик саёҳатга чиқишдир. Мен томошабинларга ҳозиргача суратга олинган энг ҳайратланарли сув ости саҳналарини кўрсатишни эмас, балки қаҳрамонларнинг юраги ва руҳига етиб боришни орзу қиламан. Бу саёҳат бешинчи фильмгача давом этади”, деди Кемерон.
Фильм жамоаси ва янги қаҳрамонлар
Аввалгидек, фильм устида режиссёр, продюсер ва сценарий муаллифларидан бири сифатида Жеймс Кемерон ишламоқда. Бироқ аслида “Аватар” сценарийлари устида бутун бир ижодий гуруҳ ишлаган. Унга “Денгиз юрагида”, “Юра даври дунёси”, “Маймунлар сайёраси: Янги салтанат” ва “Армагеддон” каби фильмларнинг муаллифлари ҳам кирган.
Бизга аллақачон таниш бўлган актёрлар ўз ролларига қайтишади:
Сем Уортингтон (Дейк Салли) “Виждон амри билан” фильмидаги роли билан машҳур,
Зои Салдана (Нейтири) — “Галактика қўриқчилари” юлдузи,
Сигурни Уивер (Грэйс Огустин) — “Ташқи дунё” ва “Қувувчилар” фильмларидан танилган,
Бритен Далтон (Лоак) — “Жиноятни ўрганиш” сериалида суратга тушган,
Жек Чемпион (Майлз) — “Қасоскорлар: Якун” фильмидан,
Стивен Ланг (Майлз Куоритж) — “Ўлим водийси” сериалидан,
Кейт Уинслет (Ронал) — “Титаник” юлдузи,
Клиф Кёртис (Тоновари) — “Енгилмас” сериалидаги роли билан машҳур.
Ушбу актёрларнинг барчаси янги фильмда яна ўз ролларини ижро этади.
Янги актёрларсиз ҳам иш битмайди. Уларнинг орасида Уна Чаплин “Тахтлар ўйини” бор, у асосий антагонистик ролда — “Манкван” қабиласи раҳбари сифатида намоён бўлади. Варанг — шафқатсиз клан ҳукмдори бўлиб, доим фойда излайди ва кўринишидан жуда ғазабланган ва тақдирдан норози. У Жейк ва Нейтири душманларидан бири бўлиб, айнан унинг билан улар юзма-юз келишлари керак бўлади.
Энг содиқ мухлислар учун бонус: учинчи қисм ҳақидаги 3 та асосий фан назариялари
Асосий қаҳрамоннинг ўлими. Ҳа, ҳаёт бундай ҳолатга тайёрламаган, лекин афсуски, интернетда Жейк Саллининг вафот этиши ҳақида миш-мишлар тарқалмоқда. “Аватар: Олов ва кул” фильмида овозли ҳикоячи ўзи Жейк эмас, балки Жейк ва Нейтирининг ўғли Лўак бўлади. Албатта, актёрнинг учинчи қисмдан кейин тарк этиши ҳақида 100 фоиз гапириш мумкин эмас, аммо қарама-қарши фикр билдириш ҳам ҳали эрта. Олдинда тўртинчи ва бешинчи қисмлар бор.
“Манкван” қабиласи одамлар билан ҳамкорлик қилади. Мухлислар Варангнинг алангапурковдан фойдаланаётганини пайқашди, бу эса қабила раҳбари одамлар билан таниш ва ҳатто шахсий манфаатлари учун улар билан ҳамкорлик қилиши мумкинлигини англатади.
Эйва — Пандора сайёрасидаги табиат ва На’ви халқини бошқарувчи худо. Аммо трейлерда кўрсатилган Варангни кўриб, мухлислар сайёрада бошқа худолар ҳам борлиги ҳақидаги назарияларни илгари сурмоқда.
Изоҳ (0)