Кремний водийсидаги технология етакчилари “ақллироқ” авлод яратиш мақсадида генетик тестлаш ва эмбрион танлашнинг илғор усулларига катта сармоя киритмоқда. Бу ҳақда The Wall Street Journal хабар берди.
Айрим IT компаниялар раҳбарлари келажакдаги фарзандларининг IQ даражасини прогноз қилиш хизматлари учун 50 минг долларгача тўламоқда. Nucleus Genomics ва Herasight стартаплари 6 мингдан 50 минг долларгача бўлган нархда эмбрионларни генетик текширувдан ўтказишни таклиф қилмоқда. Улар нафақат касаллик хавфини, балки потенциал ақлий салоҳият даражасини ҳам аниқлаб беради. ундай хизматларга талаб юқори суръатда ўсиб бормоқда.
Кремний водийсида IQ жуда қадрланади, дейди Nucleus Genomics асосчиси Киан Садеги.
Сан-Францисколик икки муҳандис касаллик хавфлари ва тахминий IQ даражасини ҳисобга олган ҳолда “энг мақбул” эмбрионни танлаш учун мураккаб балл тизимини ишлаб чиққан. Уларнинг қизи ақлий салоҳият бўйича учинчи, аммо умумий балл бўйича энг юқори натижага эга бўлган эмбриондан туғилган.
Бу ажойиб илмий-фантастик сюжет: бойлар ҳокимиятни қўлга оладиган генетик суперкастани яратмоқда, дейди Стенфорд университети Ҳуқуқ ва биология фанлари маркази директори Хенк Грили.
Изоҳ (0)