«Ливерпуль» Чемпионлар Лигаси 1-тури доирасида «Наполи»га 1:4 ҳисобида мағлубиятга учратди.
Сўнгги бор «Ливерпуль» 2021 йилнинг февралида 4 та гол ўтказиб юборганди. Ўшанда мерсисайдлар АПЛ доирасида «Манчестер Сити»га ютқазган (1:4).
«Ливерпуль» Юрген Клопп даврида ЕЧЛда иккинчи марта тўртта тўп ўтказиб юборди. 2017/18 йилги мавсум ярим финалида жамоа «Рома»га 2:4 ҳисобида мағлуб бўлган.
Шунингдек, «қизиллар» немис мутахассиси қўл остида Чемпионлар Лигасида иккинчи марта учта тўп фарқи билан ютқазди. Биринчиси 2019 йилда «Барселона»га қарши ўйинда (0:3) юз берганди.
«Ливерпуль» Неапол жамоасига қарши ўйиннинг биринчи бўлимида ўз дарвозасидан учта тўп олиб чиқди. Инглиз клуби «Милан»га қарши ўтган 2005 йилги ЕЧЛ финалидан бери танаффусга қадар учта тўп ўтказмаганди.
Изоҳ (0)