Globe Soccer Awards турли номинациялар бўйича номзодлар рўйхатини эълон қилди.
Йилнинг энг яхши футбол клуби соврини учун «Аякс», «Бавария», «Бока Хуниорс», «Фламенго», «Ливерпуль», «Манчестер Сити», «Милан», «ПСЖ», «Рейнжерс», «Реал», «Ривер Плейт» ва «Рома» каби жамоалар кураш олиб боради.
Шунингдек, энг яхши мураббий бўлиш учун ҳам номзодлар номи маълум бўлди. Даъвогарлар орасидан эркаклар футболидан ташқари аёллар футболи мураббийлари ҳам жой олган. Карло Анчелотти («Реал»), Унаи Эмери («Вильярреал»), Пеп Гвардиола («Манчестер Сити»), Симоне Инзаги («Интер»), Юрген Клопп («Ливерпуль»), Жозе Моуриньо («Рома»), Юлиан Нагелсманн («Бавария»), Стефано Пиоли («Милан»), Маурисио Почеттино, Лучано Спаллетти («Наполи»), Хави («Барселона») ва аёллар футболи бўйича Евро—2022 ғолиби бўлган Англия терма жамоаси мураббийи Сарина Вигман ушбу соврин учун номзодлар қаторига киритилган.
Йилнинг энг яхши президенти бўлиш учун Ҳалдун ал-Муборак («Манчестер Сити»), Пинто де Кошта («Порту»), Герберт Ҳайнер («Бавария»), Флорентино Перес («Реал») ва Паоло Скарони («Милан») каби раҳбарлар номзоди қўйилган.
Энг яхши агент номига Жорже Мендеш, Эран Заҳави, Жонатан Барнетт, Рафаэла Пимента, Фрэнк Тримболи ва Леон Анхель каби воситачилар даъвогар бўлиб турибди.
Тўлиқ рўйхат билан бу ерда танишиш мумкин. Энг яхшиларни аниқлаш маросими 17 ноябрь куни Дубайда бўлиб ўтади.
Аввалроқ йилнинг энг яхши футболчиси номига даъвогарлар рўйхати эълон қилинганди.
Изоҳ (0)