Европа Лигаси. “Ливерпуль” Австрия клубини тор-мор этди, “Рома” сафарда дуранг ўйнади (видео)

Футбол бўйича Европа Лигасининг 5-туридан ўрин олган ўйинлар 30 ноябрь, пайшанба куни бўлиб ўтди.

“Ливерпуль” ўз майдонида “ЛАСК”ни қабул қилди. Учрашувнинг 12-дақиқасида Луис Диас ҳисобни очди. Орадан 3 дақиқа ўтиб, Коди Гакпо мерсисайдликларнинг иккинчи голига муаллифлик қилди. Иккинчи бўлимда “Ливерпуль” голлар уришда давом этди. 51-дақиқада Салоҳ пенальтини аниқ амалга оширди. Ўйин охирида эса Гакпо дублни расмийлаштирди. Шу тариқа “Ливерпуль” 4:0 ҳисобида ғалаба қозонди.

Юрген Клопп шогирдлари очколари сонини 12 тага етказди ва E гуруҳида 1-ўринни кафолатлади.

“Рома” сафарда “Серветт” меҳмони бўлди. Учрашувнинг 21-дақиқасида Ромелу Лукаку римликларни ҳисобда олдинга олиб чиқди. 50-дақиқада Кристиан Бедиа мувозанатни тиклади. Қолган дақиқаларда дарвозалар ишғол этилмади ва ўйин дуранг натижа билан якунланди.

Жозе Моуриньо жамоаси очколарини 10 тага етказди ва Г гуруҳида 2-ўринда бормоқда. 

Европа Лигаси

5-тур

30 ноябрь, пайшанба

“Ливерпуль” – “ЛАСК” 4:0

Голлар: 1:0 – 12 Диас, 2:0 – 15 Гакпо, 3:0 – 51 Салоҳ (пенальти), 4:0 – 90 Гакпо.

“Ливерпуль”: Келлеҳер, Гомес, Конате (Александер-Арнолд, 56), Куанса, Симикас (Чемберс, 82), Эндо, Гравенберҳ (Бредли, 82), Эллиотт, Салоҳ (Жонс, 56), Диас (Нуньес, 56), Гакпо.

“LASК”: Лавал, Стойкович (Флеккер, 61), Сирайс, Андраде, Таловеров (Хафел, 60), Белло (Реннер, 61), Жул, Хорват, Любич, Усор, Любичич (Мустафа, 61; Koнe, 74).

Огоҳлантириш: Таловеров (58).

“Серветт” – “Рома” 1:1

Голлар: 0:1 – 21 Лукаку, 1:1 – 50 Бедиа.

“Серветт”: Фрик, Сунемото, Руе, Северен, Барон (Вуё, 90), Болла (Антунес, 68), Стеванович, Ондуа, Коня (Леле Диба, 81), Кутеса (Гиймено, 68), Бедиа (Туати, 80).

“Рома”: Свилар, Челик, Льоренте, Ндика, Кристанте, Паредес, Ауар (Пеллегрини, 56), Бове (Белотти, 81), Дибала (Саншеш, 81), Лукаку, аш-Шаарави (Спинассола, 74).

Огоҳлантиришлар: Коня (44), Кристанте (66), Антунес (75), Руе (84), Ндика (90), Белотти (90).