Жисмоний тарбия ва спорт вазирлиги Ўзбекистон Миллий олимпия қўмитаси, Esports Uzbekistan, Full Level Esports ҳамда UzReport-TV ва FUTBOL TV телеканаллари билан ҳамкорликда 2020 йил 28—29—30 декабрь кунлари «Янги йилга спорт билан!» шиори остидаги янги мега лойиҳа – оммавий спорт фестивалини тақдим этади.
Унда 7 ёшдан 70 ёшгача бўлган аҳоли вакиллари спортнинг мини-футбол, стритбол, баскетбол, велоспорт, югуриш, дарц, арқон тортиш, бадминтон, армрестлинг, тош кўтариш, стол тенниси ҳамда Workout (кўча фитнеси) йўналишлари бўйича ўз имкониятларини синовдан ўтказишлари мумкин.
Шунингдек, фестиваль доирасида йилнинг энг йирик турнирлари – шахмат бўйича онлайн Ўзбекистон чемпионати ҳамда Киберспорт бўйича Гранд финаллар ташкил этилади.
Фестиваль иштирокчилари ташкилотчилар томонидан махсус совғалар билан тақдирланади.
«Янги йилга спорт билан!» шиори остидаги оммавий спорт фестиваллари республикамизнинг барча вилоятларида ўтказилади. Тошкентдаги Гранд финал эса «Миллий» стадионда ташкил этилади.
Йилнинг энг йирик спорт фестивалида иштирок этинг ва Янги йилни спорт билан қарши олинг!
«Янги йилга спорт билан!» шиори остида ўтказилаётган оммавий спорт фестивалида қатнашиш учун қуйидаги ҳавола орқали рўйхатдан ўтишингиз мумкин.
Veb-saytFacebookInstagramYoutube
Реклама ҳуқуқи асосида.
Изоҳ (0)