Дубайда шопинг фестивали: маданий тадбирлар ва манфаатли харидлар учун энг яхши жойлар

Бу йил Дубайда анъанавий Dubai Shopping Festival байрамининг 30 йиллик юбилейи нишонланади. Фестивал 2024 йил 6 декабрдан 2025 йил 12 январгача ўтказилади. Унга ташриф буюрадиган меҳмонларни 38 кунлик манфаатли харидлар, унутилмас воқеалар, концертлар, шоу ва, албатта, совринлар ҳамда совғалар кутади.

Dubai Shopping Festival – Дубайда манфаатли харидларни амалга ошириш учун идеал давр. Фестивалнинг айрим кунларида дўконлардаги чегирмалар 90 фоизгача етади, акциялар Дубайдаги барча савдо марказларида ўтказилади. Анъанага кўра, энг катта чегирмалар фестивал бошида ва якунида бўлади. Дўконлардан ташқари, шаҳардаги кўплаб ресторанлар ва меҳмонхоналар ҳам чегирмалар ва акцияларни тақдим этади.

Фестивалнинг очилиши кенг кўламли дронлар шоуси билан бошланади. У 6 декабрдан бошлаб ҳар куни  Bluewaterс ва The Beach, ЖБР ҳудудларида ўтказилади. Шоу кунига икки марта соат 20:00 да ва 22:00 да бошланади.

Фестивал доирасида Al Seef, Al Marmoom, Bluewaterс ва Dubai Design District  ҳудудларига Dubai Lights чироқлар санъати кўргазмаси яна қайтмоқда. Инсталляциялар “ер”, “сув”, “ҳаво” ва “ёруғлик” мавзуларига асосланади.

Бу ҳали ҳаммаси эмас – 6 декабрдан 12 январга қадар Дубай осмонини байрам мушаклари ёритади. Мушакбозликни Dubai Festival City Mall савдо маркази ёнида соат 21.00 дан бошлаб томоша қилиш мумкин.

Шунингдек мушакбозликни Хаттда соат 20.00 да (шу йилнинг 6–7, 13–14, 20–21, 27 ва 28 декабрь кунлари, 2025 йилда эса 3-4 январь кунлари) томоша қилиш мумкин.

Бироқ, келинг, яна мавзуга қайтайлик. Дубайнинг қаэрида манфаатли харидларни амалга ошириш ҳамда бундай харидлар ва ҳордиқни қай тарзда бирлаштириш мумкинлиги ҳақида сўз юритамиз.

Замонавий ва манфаатли шопинг

Дубайда харидларни Dubai Mall мажмуисиз тасаввур қилиб бўлмайди. Бу шунчаки савдо маркази эмас, балки люкс брендлардан тортиб, то ҳамёнбоп савдо белгиларини ўз ичига олган юзлаб дўконлар, кўнгилочар зоналар, ресторанлар ва қаҳвахоналардан иборат бутун бир шаҳардир. Dubai Mall мажмуида дунёнинг кўплаб мамлакатларида тақдим этилмаган брендларни ҳам топиш мумкин. Дўконларнинг аксарияти шопинг фестивали доирасида катта чегирмалар ва ёқимли акцияларни таклиф этади.

Харидлардан кейин Dubai Aquaриум & Underwater Zoo улкан аквариумида денгиз жониворларини томоша қилиш,  China Town бўйлаб сайрга чиқиш ёки муз майдонида конкида учиш мумкин. Шунингдек, Бурж Халифа томоша майдонига кўтарилишни ва кунингизни ажойиб “рақсга тушувчи” фавворалар шоусини томоша қилиш билан якунлашни ҳам унутманг.

Mall of the Emirates – катталиги бўйича Дубайдаги иккинчи савдо маркази. Бу ерда Apple савдо белгисидан бошлаб, дунёга танилган дизайнерлар ва оммабоп маркаларни ўз ичига олган энг машҳур брендлар йиғилган. Кичкина меҳмонларни эса аттракционлар ва бошқа кўнгилочар ўйинларни қамраб олган Magic Planet мажмуининг сеҳрли олами кутади. Ски Dubai – ушбу савдо марказида жойлашган дунёдаги ягона усти ёпиқ тоғ-чанғи курорти.

Бу ерга ташрифни AppStore ёки Google Play орқали юклаб олинадиган махсус иловалар ёрдамида режалаштириш қулай.

City Walk – бу ерни оддий савдо маркази десангиз, адашасиз. Бу Дубайнинг қоқ юрагида жойлашган “Европа қишлоғи”. Ундаги хиёбонлар бўйлаб сайр қилинг, жаҳон брендларини тақдим этувчи дўконларга киринг.  Шопингдан кейин Green Planet  оранжереясига ташриф буюринг – бу ғаройиб био-гумбаз, унинг остида ҳақиқий тропик ўрмон жойлашган бўлиб, у катталарга ҳам, болаларга ҳам ёқиши аниқ.

Агар сиз таниқли брендларнинг буюмларини арзонроқ нархларда излаётган бўлсангиз, унда сизни Outlet Village марказида йил бўйи давом этадиган чегирмалар кутади. Бу ерда, қадимий Тоскана шаҳри мавзеларига ўхшатиб безатилган  кўчаларда, 125 дан ортиқ бренд тўпланган. Шопингдан сўнг эса қўшни Dubai Parks анд Resorts мавзули паркига отланиш мумкин. Бу кунни бутун оила учун фойдали ва хурсандчилик билан ўтказиш имконияти.

Харидларни  ўзига хос  муҳит  ичида  амалга оширинг

Global Village – Дубайга ташриф буюрадиган меҳмонлар ва маҳаллий аҳоли орасида энг оммабоп бўлган масканлардан бири. Бу ерда сизни дунёнинг турли мамлакатларини тақдим этувчи кўплаб павилонлар кутади, уларда шу мамлакатларнинг миллий маҳсулотлари, зираворлари, кийим-кечаклари, атир-упалари ва бошқа буюмларини сотиб олиш мумкин.

Global Village фудкортида ҳинд ва таиланд егуликларидан тортиб, то лаззатли италян овқатларигача – турли халқларнинг таомларидан татиб кўриш имконияти бор. Хурмо шиннисига ботириб тайёрланган анъанавий амирлик кулчалари – лукаматдан тановул қилиб кўришни ҳам унутманг. Сиз бу ширинликни бир умрга ёқтириб қоласиз.

Ҳар куни Global Village мажмуида турли концертлар ва томошалар ҳам ўтказилади, болаларга эса маҳаллий кўнгилочар паркдаги аттракционлар ёқиб қолиши шубҳасиз.

Deira Gold Souk тилла бозори – ўзига хос муҳитда харидларни амалга ошириш учун яна бир маскан. Маҳаллий сотувчилар ҳам фестивал доирасида чегирмаларга доим тайёр. Савдолашишни унутманг, бу ерда савдолашиш мажбурий шарт!

Al Fahidi Street кўчаси – бу шунчаки савдолар амалга ошириладиган кўча эмас, балки Дубай тарихи ва маданиятига ҳақиқий саёҳат.  Ал-Фахидий маҳаллий анъаналар ва ҳунарлар билан ноёб танишув тажрибасини таклиф қилади.

Bur Dubai тумани ҳамёнбоп электрон қурилмаларни излаётганлар учун ҳақиқий жаннат ҳисобланади. Гаджетларни харид қилиш учун Меена Bazaar, Ал Ain Centre (Computer Plaza), Sharaf DG ва Jumbo Electronics марказларига ташриф буюринг. Харидлар учун бир нечта маслаҳат:

• Ташрифдан олдин ўзингиз хоҳлаётган гаджетларнинг нархларини кейин солиштириб кўриш учун онлайн текшириб кўринг
• Савдолашинг – айниқса, анъанавий бозорларда. Сотувчилар бир-бири билан рақобатлашиб, чегирмалар беришга тайёр бўлади
• Маҳсулотларга кафолат борлигини текширинг

Madinat Jumeyra курортининг юрагида жойлашган Souk Madinat Jumeirah савдо маркази ўзида замонавий қулайликни ва ўзига хос шарқона муҳитни уйғунлаштирган. Бу маҳаллий эсдалик буюмларини харид қилиш ва гўзал манзарани томоша қилган ҳолда шарқона муҳитда тушлик қилиш учун идеал жой.

Реклама ҳуқуқи асосида.