“Барселона” ҳужумчиси Роберт Левандовски УЕФА Чемпионлар Лигаси чорак финал босқичида “Боруссия Дортмунд” дарвозасига 2 та гол киритиб, дубль муаллифига айланди. Бу натижа орқали полшалик форвард ўзига хос натижа қайд этди.
Opta Sport хабарига кўра, 36 ёшли футболчи мусобақа тарихида бир мавсум ичида уч хил клуб сафида 10 ёки ундан кўп гол урган илк футболчига айланди. У Дортмунднинг “Боруссия”, Мюнхеннинг “Бавария” ва “Барселона” сафида ушбу натижага эришган
Айни дамда Левандовскининг Чемпионлар Лигасидаги голлари сони 105 тага етди. Бу кўрсаткич билан у турнир тарихидаги энг яхши тўпурарлар рўйхатида учинчи ўринда бормоқда. Криштиану Роналду (140 гол) ва Лионель Месси (129 гол) каби футболчилар Робертдан яхшироқ натижа қайд этган.
Маълумот учун, “Барселона” — “Боруссия Д” баҳсида испан клуби 4:0 ҳисобида ғалаба қозонди. Ушбу жамоалар ўртасидаги жавоб баҳси 15 апрелдан 16 апрелга ўтар кечаси бўлиб ўтади.
Изоҳ (0)