Беш карра “Олтин тўп” соҳиби, ҳозирда Саудия Арабистонининг “Ан-Насср” клуби шарафини ҳимоя қилаётган Криштиану Роналду замонавий футболнинг энг яхши уч нафар футболчисини айтиб ўтди. Бу ҳақда Givemesport нашрига таяниб Championat хабар берди.
Уч нафар энг яхши футболчини санайдиган бўлсам, ўзимни, Лионель Месси ва Зинедин Зиданни танлардим, деди Роналду Гивемеспорт нашрига берган интервьюсида.
Жорий мавсумда 39 ёшли португалиялик “Ан-Насср” сафида барча турнирлардаги 33 та ўйинда майдонга тушиб, ўз ҳисобига 28 та гол ва 4 та голли узатма ёздириб қўйган. Унинг клуб билан тузган шартномаси 2025 йилнинг ёзигача амал қилади. Transfermarkt портали Роналдунинг қийматини 12 миллион еврога баҳоламоқда.
Эслатиб ўтамиз, Лионель Месси ҳозирда АҚШнинг “Интер Майами” жамоасида ўйнаяпти. Зиданнинг эса профессионал фаолияти якунланган.
Изоҳ (0)