Тейлор Лотнер — америкалик актёр, модел ва жанг санъати устаси. У 1992 йил 11 февралда АҚШнинг Мичиган штати, Гранд Рапидс шаҳрида туғилган. Лотнер болалигидан каратэ билан шуғулланган ва ҳатто халқаро мусобақаларда ғолиб бўлган. Актёрлик фаолиятини эса ёшлигидан бошлаган. Дастлаб у реклама роликлари ва сериалларда рол ўйнаган.
“Сумерки” фильмига қадар Тейлор ҳозиргидек таниқли актёр эмас эди. Мультфильмлар қаҳрамонларига овоз бериб, оммалашмаган сериалларда кичик ролларни ижро этиб юрарди. “Сумерки”нинг биринчи қисмида фильмда бир неча дақиқали рол ўйнаган бўлса ҳам, айнан шу роли Тейлорга улкан муваффақият олиб келди. Бироқ унинг жисмоний ҳолати талабга жавоб бермагани боис фильмнинг кейинги қисмларида Жейкоб ролини ижро этишдан маҳрум бўлди. Кинорежиссёрлар унинг номзодига шубҳа билан қарашди ва унинг ўрни актёр Майкл Копонга берилаётганди. Аммо Тейлор қисқа вақт ичида 14 килограмм мушак вазни орттиришга муваффақ бўлди ва шу сабабли бу рол унинг ўзида қолган.
“Сумерки”дан кейинги ҳаёт
Вампирни севиб қолган қиз ҳақидаги трилогия Кристен Стюарт, Роберт Паттинсон ва Тейлор Лотнернинг карьераси учун катта бурилиш бўлди: учаласи ҳам дарҳол ёшларнинг севимли юлдузларига айланди. Лотнер бўри образи учун “Олтин малина” антиномасига лойиқ деб топилди. Бироқ мухлислар уни актёрлик маҳоратидан кўра кўпроқ кўркам кўриниши учун севишарди.
Жейкоб Блек ролини гавдалантириш учун Тейлор ҳақиқий маънода тер тўкди: у ҳар куни машқ қилди. 2010 йилда Лотнер Glamour журналининг “2010 йилнинг 50 энг нафар энг келишган эркаклари” рўйхатида иккинчи ўринни, People нашрининг “Энг ажойиб кўринишлар” рейтингида эса тўртинчи ўринни эгаллади.
Аммо актёрнинг ўзи машҳурликка ташқи кўриниши сабабли эришганидан норози эди. Саганинг учинчи қисми — “Янги ой” фильми премерасидан кейин у яна бир нечта фильмларда, жумладан, “Катталар 2”, “Трейсерлар” ва бошқаларда иштирок этди. Аммо бу лойиҳаларнинг ҳеч бири катта муваффақиятга эришмади, шу боис кўпчилик томошабинлар Лотнерни айнан “Сумерки” орқали танийди.
Аввалгидек кўринишда эмас
Тейлор Лотнер узоқ вақт махсус парҳез ва машғулотлар режимига амал қилди, бу унга аъло даражадаги жисмоний ҳолатни сақлашга ёрдам берди. Бироқ “Трейсерлар” фильмини суратга олиш жараёнида у қорин соҳасидан жароҳат олди. Бу ҳолат уни ўз танасига нисбатан ҳаддан ташқари талабчан муносабатдан воз кечишга мажбур қилди.
Пандемиядан кейин актёр бир оз семирди: пляжда суратга олинган папарацсилар кадрлари орқали илгари кўзга ташланадиган қорин мушаклари энди йўқлиги яққол кўринар эди. Кейинчалик актёр яна жисмоний машқларга қайтди, бу ҳақда у ижтимоий тармоқларда хабар бериб борди.
Бахтли ҳаёт
Қизиқарли факт: Тейлор Лотнер рафиқасининг исми ҳам Тейлор. Аёл уни қисқача Тей деб аташларини афзал кўради. У эрининг фамилиясини олган, шу боис ҳужжатларда актёрнинг рафиқаси ҳам Тейлор Лотнердир. Уларнинг айтишича, бу ҳолат кўпинча аэропортларда муаммоларга сабаб бўлади, хавфсизлик ходимлари бир хил исмли эр-хотинга ишончсизлик билан қарашади. Тей касби бўйича ҳамшира, аммо ҳозирги фаолияти бўйича миллиондан ортиқ аудиторияга эга блогердир.
Жуфтлик 2022 йилнинг ноябрида турмуш қуришган. Тей билан танишувдан олдин Лотнернинг машҳур, аммо унчалик узоққа чўзилмаган романи хонанда Тейлор Свифт билан бўлган (у ҳам Тейлор Лотнер бўлиши мумкин эди, аммо насиб қилмаган). Сўнг хонанда унга бағишлаб “Back to December” қўшиғини ёзган.
Янги лойиҳалар
Тейлор Лотнер ҳозирда ўзини продюсер сифатида синаб кўрмоқда ва “Тейлор Лотнер: бўри одам овчиси” номли лойиҳа устида ишламоқда. Бу лойиҳада у ўзининг фантазия жанридаги версиясини гавдалантиради. Сюжетга кўра, қаҳрамон кундузлари телеюлдуз, тунда эса ҳар хил ёвуз кучларга қарши курашувчи суперодамдир.
Фильм премераси қачон бўлиши ҳозирча номаълум: аввалроқ лойиҳани ҳаттоки тўхтатишмоқчи ҳам бўлишган, бироқ февраль ойида ишлар яна тикланди. Тейлор эса ҳозирда актёрликдан кўра оиласи ва подкастларига кўпроқ эътибор қаратмоқда.
Изоҳ (0)