Вампирлар ҳақида ҳикоя қилувчи “Сумерки” франшизаси якуний қисмининг иккинчи эпизодида яна бир қаҳрамон — Эдвард Каллен ва Белланинг қизи Ренесми ҳам иштирок этади. Сюжетга кўра, ярим инсон ва ярим вампир бўлган Ренесми ўзининг ақл бовар қилмайдиган гўзаллиги билан барчани лол қолдиради.
Барчанинг ёдида қолган мазкур ролни актриса Маккензи Фой гавдалантирган. У 2000 йилда туғилган ва фильмни суратга олиш пайтида атиги 6 ёшда бўлган. “Сумерки” якуний қисмининг премьераси 2012 йилда бўлиб ўтган.
Фильм бошида Белла ўлим ёқасида бўлади, шу вақтда туғилган чақалоқ ҳам отаси, ҳам онасининг жиҳатларини ўзида мужассам этади. Ренесми дақиқа сайин ўсади ва отаси каби ноёб кучга эга бўлади.
Вампирлар ҳақидаги фильмда суратга тушишдан аввал Маккензи моделлик агентлигида ишлаган ва эпизодик ролларни ижро этган, аммо айнан Кристен Стюарт ва Роберт Паттинсон (Белла ва Эдвард) билан ҳамкорликдаги иши унга машҳурлик келтирган.
Ренесми ҳозир қандай кўринишга эга?
Актриса ҳозирда 23 ёшда. “Сумерки”дан кейин “Ланъат” ва ҳатто “Interstellar” фильмларида иштирок этган, аммо 2020 йилдан кейин актёрлик фаолиятини тўхтатган.
Фой ноодатий гўзал кўринишда вояга етди. Instagram’да унинг фотосуратлари остида мухлислар тез-тез актрисани вампирларнинг қизидек гўзал деб таъриф беради.
Маккензи от спортини яхши кўради ва кўпинча отлар билан тушган фотосуратларини ижтимоий тармоққа жойлайди.
Актриса интервью беришдан доим бош тортади ва шахсий ҳаёти ҳақида ҳеч қандай маълумот бермайди. Шунга қарамай, Фой тармоқларда энг машҳур ва гўзал актрисалардан бири бўлиб қолмоқда.
Изоҳ (0)