Teylor Lotner — amerikalik aktyor, model va jang san’ati ustasi. U 1992-yil 11-fevralda AQSHning Michigan shtati, Grand Rapids shahrida tug‘ilgan. Lotner bolaligidan karate bilan shug‘ullangan va hatto xalqaro musobaqalarda g‘olib bo‘lgan. Aktyorlik faoliyatini esa yoshligidan boshlagan. Dastlab u reklama roliklari va seriallarda rol o‘ynagan.
“Sumerki” filmiga qadar Teylor hozirgidek taniqli aktyor emas edi. Multfilmlar qahramonlariga ovoz berib, ommalashmagan seriallarda kichik rollarni ijro etib yurardi. “Sumerki”ning birinchi qismida filmda bir necha daqiqali rol o‘ynagan bo‘lsa ham, aynan shu roli Teylorga ulkan muvaffaqiyat olib keldi. Biroq uning jismoniy holati talabga javob bermagani bois filmning keyingi qismlarida Jeykob rolini ijro etishdan mahrum bo‘ldi. Kinorejissyorlar uning nomzodiga shubha bilan qarashdi va uning o‘rni aktyor Maykl Koponga berilayotgandi. Ammo Teylor qisqa vaqt ichida 14 kilogramm mushak vazni orttirishga muvaffaq bo‘ldi va shu sababli bu rol uning o‘zida qolgan.
“Sumerki”dan keyingi hayot
Vampirni sevib qolgan qiz haqidagi trilogiya Kristen Styuart, Robert Pattinson va Teylor Lotnerning karyerasi uchun katta burilish bo‘ldi: uchalasi ham darhol yoshlarning sevimli yulduzlariga aylandi. Lotner bo‘ri obrazi uchun “Oltin malina” antinomasiga loyiq deb topildi. Biroq muxlislar uni aktyorlik mahoratidan ko‘ra ko‘proq ko‘rkam ko‘rinishi uchun sevishardi.
Jeykob Blek rolini gavdalantirish uchun Teylor haqiqiy ma’noda ter to‘kdi: u har kuni mashq qildi. 2010-yilda Lotner Glamour jurnalining “2010-yilning 50 eng nafar eng kelishgan erkaklari” ro‘yxatida ikkinchi o‘rinni, People nashrining “Eng ajoyib ko‘rinishlar” reytingida esa to‘rtinchi o‘rinni egalladi.
Ammo aktyorning o‘zi mashhurlikka tashqi ko‘rinishi sababli erishganidan norozi edi. Saganing uchinchi qismi — “Yangi oy” filmi premyerasidan keyin u yana bir nechta filmlarda, jumladan, “Kattalar 2”, “Treyserlar” va boshqalarda ishtirok etdi. Ammo bu loyihalarning hech biri katta muvaffaqiyatga erishmadi, shu bois ko‘pchilik tomoshabinlar Lotnerni aynan “Sumerki” orqali taniydi.
Avvalgidek ko‘rinishda emas
Teylor Lotner uzoq vaqt maxsus parhez va mashg‘ulotlar rejimiga amal qildi, bu unga a’lo darajadagi jismoniy holatni saqlashga yordam berdi. Biroq “Treyserlar” filmini suratga olish jarayonida u qorin sohasidan jarohat oldi. Bu holat uni o‘z tanasiga nisbatan haddan tashqari talabchan munosabatdan voz kechishga majbur qildi.
Pandemiyadan keyin aktyor biroz semirdi: plyajda suratga olingan paparatssilar kadrlari orqali ilgari ko‘zga tashlanadigan qorin mushaklari endi yo‘qligi yaqqol ko‘rinar edi. Keyinchalik aktyor yana jismoniy mashqlarga qaytdi, bu haqda u ijtimoiy tarmoqlarda xabar berib bordi.
Baxtli hayot
Qiziqarli fakt: Teylor Lotner rafiqasining ismi ham Teylor. Ayol uni qisqacha Tey deb atashlarini afzal ko‘radi. U erining familiyasini olgan, shu bois hujjatlarda aktyorning rafiqasi ham Teylor Lotnerdir. Ularning aytishicha, bu holat ko‘pincha aeroportlarda muammolarga sabab bo‘ladi, xavfsizlik xodimlari bir xil ismli er-xotinga ishonchsizlik bilan qarashadi. Tey kasbi bo‘yicha hamshira, ammo hozirgi faoliyati bo‘yicha milliondan ortiq auditoriyaga ega blogerdir.
Juftlik 2022-yilning noyabrida turmush qurishgan. Tey bilan tanishuvdan oldin Lotnerning mashhur, ammo unchalik uzoqqa cho‘zilmagan romani xonanda Teylor Svift bilan bo‘lgan (u ham Teylor Lotner bo‘lishi mumkin edi, ammo nasib qilmagan). So‘ng xonanda unga bag‘ishlab “Back to December” qo‘shig‘ini yozgan.
Yangi loyihalar
Teylor Lotner hozirda o‘zini prodyuser sifatida sinab ko‘rmoqda va “Teylor Lotner: bo‘ri odam ovchisi” nomli loyiha ustida ishlamoqda. Bu loyihada u o‘zining fantaziya janridagi versiyasini gavdalantiradi. Syujetga ko‘ra, qahramon kunduzlari teleyulduz, tunda esa har xil yovuz kuchlarga qarshi kurashuvchi superodamdir.
Film premyerasi qachon bo‘lishi hozircha noma’lum: avvalroq loyihani hattoki to‘xtatishmoqchi ham bo‘lishgan, biroq fevral oyida ishlar yana tiklandi. Teylor esa hozirda aktyorlikdan ko‘ra oilasi va podkastlariga ko‘proq e’tibor qaratmoqda.
Izoh (0)