Самарқанд шаҳрининг “Чармгари” маҳалласи ҳудудидан ўтувчи автомобиль йўлида 9 май куни соат 20:30 да уч киши бир болани калтаклади. Бу ҳақда вилоят ИИБ матбуот хизмати хабар берди.
Маълум қилинишича, шаҳарнинг “Кафтархона” маҳалласида яшовчи 2007-й.т. шахс ўзига тегишли бўлган скутерда ҳаракатланиб кетаётганида, унга олдиндан таниш бўлмаган, Самарқанд тумани “Гулобод” маҳалласида яшовчи 2005, 2008 ва 2012-й.т. ака-укалар отаси бошқарувидаги Malibu’да кетаётган вақтида ўзаро жанжал келиб чиққан.
Мазкур жанжал давомида 3 нафар ака-ука скутер ҳайдовчисини уриб, тан жароҳати етказган.
Ҳолат юзасидан Жиноят кодексининг 277-моддаси 2-қисми (безорилик) билан жиноят иши қўзғатилиб, дастлабки тергов ҳаракатлари олиб борилмоқда.
Ўзбекистонда 2024 йилда 469 568 киши маъмурий жавобгарликка тортилган. Кўрилган маъмурий ҳуқуқбузарлик тўғрисидаги ишларнинг аксариятини майда безорилик каби ҳуқуқбузарликлар бўлган. 2024 йилда жиноят ишлари бўйича судлар томонидан 77 995 нафар шахсга нисбатан 61 481 та жиноят иши кўриб чиқилган. Судланганлар сони 61 502 нафарни ташкил этиб, шундан 20 659 кишига озодликдан маҳрум қилиш ва 39 763 нафарига бошқа турдаги жазолар тайинланган, 1 080 нафар шахс шартли ҳукм қилинган.
Изоҳ (0)