Oliy sud 2024-yilda sudlar tomonidan ko‘rib chiqilgan jinoyat ishlari yuzasidan ma’lumotlarni e’lon qildi.
Unga ko‘ra, 2024 yilda jinoyat ishlari bo‘yicha sudlar tomonidan 77 995 nafar shaxsga nisbatan 61 481 ta jinoyat ishi ko‘rib chiqildi. 723 nafar shaxs oqlanib, reabilitatsiya qilindi.
Sudlanganlar soni 61 502 nafarni tashkil etib, shundan 20 659 nafar shaxsga ozodlikdan mahrum qilish va 39 763 nafariga boshqa turdagi jazolar tayinlandi, 1 080 nafar shaxs shartli hukm qilindi. Sudlanganlarning
- 54 370 nafari erkak;
- 7 132 nafari ayol;
- 22 757 nafari yoshlar (shu jumladan 2 214 nafari voyaga yetmagan);
- 2637 nafari 60 yoshdan oshgan shaxslar.
Ma’lum qilinishicha, 7 956 nafar shaxs ozodlikdan mahrum etish bilan bog‘liq bo‘lmagan jazolar tayinlanishi munosabati bilan sud zalida qamoqdan ozod qilindi, 33 151 nafari jazoni o‘tashdan muddatidan ilgari shartli ozod qilindi, 11 581 nafariga tayinlangan jazosi yengili bilan almashtirildi va 14 991 nafar shaxsga nisbatan dastlabki tergov organlari tomonidan asossiz ravishda qo‘yilgan moddalar ayblovdan chiqarib tashlandi yoki qayta malakalandi.
- 124 nafar shaxsga (yoshlar, ayollar va boshqalar) kafolat xatlari asosida ozodlikdan mahrum qilish bilan bog‘liq bo‘lmagan jazolar tayinlangan.
- 33 146 nafar shaxs jazoni o‘tashdan muddatidan ilgari shartli ozod qilinib, 11 581 nafar shaxsning jazosi yengilrog‘i bilan almashtirildi.
Hisobot davrida ko‘rilgan jinoyat ishlarning aksariyatini
- firibgarlik,
- transport vositalari harakati yoki ulardan foydalanish xavfsizligi qoidalarini buzish,
- o‘g‘rilik,
- giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar,
- o‘zlashtirish yoki rastrata yo‘li bilan talon-toroj qilish,
- hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish,
- qasddan badanga yengil shikast yetkazish,
- bezorilik,
- qasddan badanga o‘rtacha og‘ir shikast yetkazish,
- giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish bilan bog‘liq jinoyatlar tashkil etadi.
2024-yili sudlar tomonidan ko‘rib chiqilgan maʼmuriy ishlar
2024-yili jinoyat ishlari bo‘yicha sudlar tomonidan 740 ming 994 nafar shaxsga nisbatan 613 ming 142 ta maʼmuriy huquqbuzarlik to‘g‘risidagi ish ko‘rib chiqildi. Ishlar doirasida 469 ming 568 nafar shaxsga nisbatan maʼmuriy jazolar qo‘llandi.Shuningdek, yarashilgani munosabati bilan 94 886 nafar shaxs maʼmuriy javobgarlikdan ozod etildi.
Izoh (0)