Футбол бўйича Англия Премьер Лигасининг 23-туридан ўрин олган ўйинлар 4 февраль, якшанба куни бўлиб ўтди.
Турнинг марказий ўйинида “Арсенал” “Ливерпуль”га қарши майдонга тушди. Ўйиннинг 14-дақиқасида Букайо Сака очиқ дарвозани ишғол қилиб, ҳисобни очди. Биринчи бўлим сўнгида Габриэль автогол муаллифига айланди.
Иккинчи бўлимда ҳам жамоалар ҳужумкор ўйинни намойиш этди. 63-дақиқага келиб, “канонирлар” ҳисобда олдинга чиқиб олди. Габриэль Мартинелли дарвозани ишғол қилди. Ўйин охирида эса Троссард якуний нуқтани қўйди ва лондонликлар 3:1 ҳисобидаги ғалабани расмийлаштирди. Қайд этиб ўтиш жоиз, 88-дақиқада “қизиллар” футболчиси Конате қизил карточка олиб, майдонни тарк этди.
“Манчестер Юнайтед” ўзида “Вест Ҳэм”ни қабул қилди ва 3:0 ҳисобида ғалаба қозонди. Манкунианликлар сафида Расмус Ҳейлунд битта гол урган бўлса, Алехандро Гарначо дубль муаллифига айланди.
“Челси” “Вулверҳэмптон”га қарши баҳс олиб борди. Учрашувнинг 19-дақиқасида Коул Палмер ҳисобни очди. Орадан 3 дақиқа ўтиб, Матеус Куня мувозанатни тиклади. Биринчи бўлим охирида Дисаси автогол муаллифига айланди.
63-дақиқада Куня дублни расмийлаштириб, “бўрилар” учун ҳисобни ишончли кўринишга олиб келди. 82-дақиқада Матеус пенальтини аниқ амалга ошириб, ҳет-трик муаллифига айланди. 86-дақиқада Тьяго Сильва ҳисобни қисқартиришга муваффақ бўлди. Шу тариқа учрашув “Вулверҳэмптон”нинг 4:2 ҳисобидаги ғалабаси билан якунланди.
Якшанба кунги баҳслардан сўнг турнир жадвали қуйидагича кўриниш олди:
АПЛ
23-тур
4 февраль, якшанба
“Арсенал” — “Ливерпуль” 3:1
Голлар: 1:0 – 14 Сака, 1:1 – 45 Габриэль (автогол), 2:1 – 67 Мартинелли, 3:1 – 90 Троссард.
“Арсенал”: Райя, Уайт, Габриэль, Салиба, Зинченко (Кивер, 46), Жоржиньо, Эдегор, Райс, Ҳаверц, Мартинелли (Троссард, 74), Сака (Нелсон, 79).
“Ливерпуль”: Алиссон, Александер-Арнолд (Робертсон, 58), ван Дейк, Конате, Гомес (Тяго Алькантара, 85), Мак Аллистер, Жонс, Гравенберҳ (Эллиотт, 58), Диогу Жота, Диас, Гакпо (Нуньес, 58).
Огоҳлантиришлар: Гомес (25), Уайт (31), Конате (55), Габриэль (57), Кивер (69), Нуньес (90), Салиба (90).
Четлатиш: Конате (88).
“Манчестер Юнайтед” — “Вест Ҳэм” 3:0
Голлар: 1:0 – 23 Ҳейлунд, 2:0 – 49 Гарначо, 3:0 – 84 Гарначо.
“Манчестер Юнайтед”: Онана, Диогу Далот, Магуайр, Мартинес (Варан, 71), Шоу (Линделеф, 88), Каземиро, Бруну Фернандеш, Майну (Мактоминей, 64), Гарначо, Рэшфорд, Ҳейлунд (Антони, 88).
“Вест Ҳэм”: Ареоля (Фабиански, 46), Соуфал (Филлипс, 72), Zuma, Агерд, Эмерсон, Жонсон, Уорд-Проуз, Соучек (Корне, 72), Алварес, Кудус, Боуэн.
Огоҳлантириш: Соучек (37).
“Челси” — “Вулверҳэмптон” 2:4
Голлар: 1:0 – 19 Палмер, 1:1 – 22 Матеус Куня, 1:2 – 43 Дисаси (автогол), 1:3 – 63 Матеус Куня, 1:4 – 82 Матеус Куня (пенальти), 2:4 – 86 Тьяго Сильва.
“Челси”: Петрович, Гюсто (Гилкрист, 81), Тьяго Сильва, Дисаси, Чилуэлл (Бадяшил, 81), Галлаҳер, Фернандес, Палмер, Кайседо (Жексон, 63), Стерлинг (Мудрик, 72), Нкунку (Чуквуэмека, 72).
“Вулверҳэмптон”: Жозе Са, Семеду, Доусон, Килмен, Гомеш, Аит-Нури (Буэно, 87), Сарабия (Дойл, 72), Лемина, Гомес (Доэрти, 90), Нету (Беллгард, 72), Матеус Куня.
Огоҳлантиришлар: Гюсто (31), Семеду (39), Нету (41), Кайседо (56), Чилуэлл (78).
Изоҳ (0)