АПЛ. “Манчестер Юнайтед” сафарда “Вест Ҳэм”га мағлуб бўлди

Футбол бўйича Англия Премьер Лигасининг 18-турида “Манчестер Юнайтед” 23 декабрь, шанба куни “Вест Ҳэм” меҳмони бўлди.

Биринчи бўлимда дарвозалар дахлсизлиги сақланиб қолди. Иккинчи бўлимда эса мезбонлар ҳисобни очди. 72-дақиқада Жарред Боуэн ўз номини таблога ёздириб қўйди. Орадан 6 дақиқа ўтиб, Муҳаммад Кудус ҳисобни ишончли кўринишга олиб келди. 

Қолган дақиқаларда дарвозалар ишғол этилмади ва манкунианликлар навбатдаги мағлубиятини қабул қилиб олди.

“Қизил иблислар” 28 очко билан 8-ўринда бормоқда. Бугунги баҳсда ғалаба қозонган “Вест Ҳэм” эса очколарини 30 тага етказди ва 6-ўринга кўтарилиб олди.

АПЛ

18-тур

23 декабрь, шанба

“Вест Ҳэм” — “Манчестер Юнайтед” 2:0

Голлар: 1:0 – 72 Боуэн, 2:0 – 78 Кудус.

“Вест Ҳэм”: Ареоля, Соуфал, Зума, Мавропанос, Эмерсон, Форналс, Уорд-Проуз, Соучек, Лукас Пакета, Алварес, Кудус, Боуэн.

“Манчестер Юнайтед”: Онана, Уан-Биссака, Эванс, Камбвала (Регилон, 84), Шоу, Бруну Фернандеш, Мактоминей, Майну, Антони (Пелистри, 73), Гарначо (Эриксен, 85), Ҳейлунд (Рэшфорд, 57).

Огоҳлантиришлар: Кудус (43), Эванс (45), Бруну Фернандеш (51), Лукас Пакета (74).