Футбол бўйича Италия Суперкубоги ярим финал босқичи кеча 3 январь куни бўлиб ўтди. Унда “Милан” мамлакат кубоги соҳиби “Ювентус”ни мағлуб этиб, финал йўлланмасини қўлга киритди.
А Серия вице-чемпиони ҳисобланган “россонери” янги бош мураббийи Сержуи Консейсау бошқарувида илк ўйинини ғалаба билан бошлади.
Риёддаги “Кингдом Арена”да ўтказилган ўйинда дастлаб 21-дақиқада “Ювентус” футболчиси Кенан Йилдиз ҳисобни очди. Бироқ иккинчи бўлимда Кристиан Пулишич пенальтидан гол уриб, мувозанатни тиклади. Орадан кўп ўтмай, Гатти автогол муаллифига айланиб, “Милан”нинг муҳим ғалабасига ҳисса қўшди.
Энди “Милан” 6 январь куни финалда шаҳардоши, сўнгги уч йилнинг амалдаги чемпиони “Интер” билан куч синашади.
Италия Суперкубоги
Ярим финал
3 январь, жума
“Ювентус” — “Милан” 1:2
Голлар: 1:0 — Йилдиз (21), 1:1 — Пулишич (71, пенальти), 1:2 — Гатти (76, автогол).
“Ювентус”: Ди Грегорио, Калулу, Гатти, Савона, Маккенни (Веа, 86), Тюрам (Дуглас Луис, 79), Локателли (Фажоли, 86), Копмейнерс, Мбангула (Камбиязо, 65), Йилдиз, Влаҳович (Гонсалес, 65).
“Милан”: Менян, Тео, Тиав, Томори, Эмерсон (Габбия, 82), Рейндерс, Фофана, Бинносир (Муса, 54), Хименес (Абраҳам, 61), Мората (Терраччано, 82), Пулишич.
Изоҳ (0)