Футбол бўйича Италия Суперкубоги финал ўйини кеча, 6 январь куни бўлиб ўтди. Бош соврин учун бўлиб ўтган баҳсда “Интер” ва “Милан” жамоалари ўзаро тўқнаш келди.
Милан дербиси нейтрал майдон — Саудия Арабистонининг Ар-Риёд шаҳридаги “Ал-Аввал Парк” стадионида бўлиб ўтди. Учрашувда бош ҳакам сифатида италиялик Симоне Созза ишлад.
Ўйинда ҳисобини 45+1 дақиқада “Интер” ҳужумчиси Лаутаро Мартинес очди. 48-дақиқада Меҳди Тареми ҳисобни 2:0 га етказди. 52-дақиқада Тео Эрнандес ҳисобдаги фарқни қисқартирди. 80-дақиқада Кристиан Пулишич ҳисобни тенглаштирди. 90+3 дақиқада “Милан” ҳужумчиси Темми Абраҳам жамоасининг ғалаба голига муаллифлик қилди. Ўйин 3:2 ҳисобида “Милан” фойдасига ҳал бўлди.
Эслатиб ўтамиз, Италия Суперкубоги ярим финалида “Интер” “Аталанта”ни 2:0 ҳисобида мағлуб этган эди. “Милан” эса “Ювентус”ни 2:1 ҳисобида мағлуб этиб, турнирдан чиқариб юборган эди.
Маълумот учун, барча учрашувлар Саудия Арабистонида ўтказилди.
Италия Суперкубоги.
Финал
6 январь, душанба
“Интер” — “Милан” 2:3
Голлар: 1:0 — Мартинес (45+1), 2:0 — Торимий (47), 2:1 — Эрнандес (52), 2:2 — Пулишич (80), 2:3 —Абраҳам (90+3).
“Интер”: Зоммер, Бастони, де Врей (Дармиан, 84), Биссек, Чалхонўғли (Аслани, 35), Мхитарян (Зелиньски, 65), Барелла (Фраттези, 84), Димарко (Карлос Аугусто, 66), Думфрис, Мартинес, Торимий.
“Милан”: Менян, Тео, Тиав, Томори, Эмерсон (Калабрия, 87), Рейндерс (Лофтус-Чик, 77), Фофана, Муса (Абраҳам, 77), Пулишич, Мората, Хименес (Леау, 50).
Огоҳлантиришлар: Мхитарян (51), Думфрис (54), Томори (57), Барелла (72), Бастони (89).
Изоҳ (0)