Украина президенти Владимир Зеленский Россияга фуқаролик инфратузилмасига узоқ масофали дронлар ва ракеталар билан зарба беришни 30 кун давомида тўхтатишни таклиф қилди. Бу ҳақда сиёсатчи ўзининг Telegram каналида маълум қилди.
Россия президенти 19 апрель соат 18:00 дан 21 апрель тонги 00:00 гача “Пасха сулҳи”ни эълон қилган эди. Бироқ сўнгги 24 соат ичида рус армияси ўт очишни тўхтатиш режимини икки мингдан ортиқ марта бузди. Энг кўп ҳужум Покровский йўналишида амалга оширилди. Шунингдек, 1355 та ўқ узиш амалга оширилган, улардан 713 таси оғир қуроллар билан, 673 таси эса FPV дронлари ёрдамида бажарилган.
Украина президенти таъкидлашича, душман фронтнинг барча асосий йўналишларида сулҳ ваъдасини бажармаган.
Бу эришилган ва давом эттириш энг осон бўлган сулҳ форматидир. Украина фуқаролик инфратузилмасига узоқ масофали дронлар ва ракеталар билан ҳар қандай зарба беришдан камида 30 кун муддатга воз кечишни таклиф қилмоқда. Агар Россия бундай қадамга рози бўлмаса, бу унинг бундан кейин ҳам фақат одамлар ҳаётини вайрон қиладиган ва урушни давом эттирадиган ишларни қилишни хоҳлаётганининг исботи бўлади, деди Зеленский.
Россия томонидан эълон қилинган “Пасха сулҳи”га қарамай, Украина Қуролли кучлари Россия қўшинлари сукунат режимини кўп бузганини хабар қилди. Буюк Британия эса Путинни тинчликка содиқлигини кўрсатиш учун Украинанинг кенг қамровли сулҳ тузишга розилигига ниҳоят жавоб беришга чақирди.
Изоҳ (0)