Германия 2027 йилдаёқ Россия билан уруш эҳтимолига тайёр бўлиши керак. Бу ҳақда Британиянинг Мудофаа Тадқиқотлар институти катта илмий ходими Эд Арнольд маълум қилди.
У Германия қуролли кучларини (бундесвер) қайта қуроллантириш режасини чўзиб бўлмаслигини айтди. Арнольднинг фикрича, НАТО давлатлари икки йил ичида Россия билан ҳарбий тўқнашувга тортилиши мумкин. Бу эҳтимол Сувалки коридорида содир бўлади. Аммо бошқа жойларда ҳам кескинлик бошланиши эҳтимолдан ҳоли эмас.
Эксперт Германия биринчи навбатда оғир ҳарбий техника арсеналини тўлдириши кераклигини таъкидлади. Жумладан, Леопард 2 А8 танклари, узоқ масофали TAURUS қанотли ракеталари, Boxer зирҳли машиналари, IRIS-T зенит ракеталари ва Гепард қурилмалари шулар жумласидандир. Германия бундесверни ҳам, Европадаги иттифоқчиларни ҳам таъминлаш учун уларни ишлаб чиқаришни “сезиларли даражада ошириши” мумкин.
Шу билан бирга эксперт Берлинни АҚШдаги сиёсий ўзгаришларни ҳисобга олган ҳолда Американинг F-35 қирувчи самолётлари ва Patriot ҳаво мудофаа тизимларини сотиб олиш бўйича қарорларни қайта кўриб чиқишга чақирди.
У энг илғор техникага эга бўлиш ҳар доим ҳам муҳим эмаслигини, буни Украинадаги уруш исботлаганини қайд этди.
Украина ҳар доим ҳам энг яхшисига эга бўлиш шарт эмаслигини кўрсатмоқда. Шунчаки рақибдан бир оз яхшироқ бўлиш керак, деди Арнольд.
Мисол тариқасида у дронларни келтириб ўтди.
Уруш олиб бориш усулларининг ўзгариши дронлар энг қуйи даражада ишлатилишини англатади, деди у ва дронлар “жанг майдонида ҳамма жойда ҳозир-у нозир” бўлиб қолганини таъкидлади.
Россиянинг бошқа давлатларга эҳтимолий ҳужуми: мавзуга оид янгиликлар
НАТО доираларидаги манбаларга кўра, Россия Финляндия ва НАТОнинг шарқий қанотидаги бошқа давлатларга ҳужум қилиш режасини ишлаб чиққан. Гап Россия армиясининг бир нечта бўлинмаларининг бир вақтнинг ўзида ҳужуми ҳақида кетмоқда. Унга ўн минглаб аскар жалб қилиниши эҳтимоли борлиги айтилган.
Financial Times нашрига кўра, Россия Япония ва Жанубий Корея билан эҳтимолий уруш учун нишонларнинг батафсил рўйхатини тузган. Рўйхатга 160 та ҳарбий ва фуқаролик инфратузилмаси объектлари — атом электр станциялари, кўприклар, заводлар ва қўмондонлик пунктлари киритилган. 2008—2014 йиллардаги махфий ҳужжатлар Х-101 ракеталари билан зарбалар беришни ва Япония ҳамда Жанубий Кореянинг ҳаво мудофаасини текширишни тасвирлайди.
Европа дипломатияси раҳбари Кая Каллас Россия 2028 йилдаёқ Европа Иттифоқига ҳужум қилиши мумкинлигини айтиб, Европани мудофаа харажатларини оширишга чақирган. НАТО билан уруш 4-6 йилдан кейин бўлиши мумкинлиги таъкидланган.
Изоҳ (0)