«Дарё» нашри 16 январда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Россиянинг 14 январдаги зарбалари туфайли тинч аҳолининг ҳалок бўлиши, НАТОнинг Украинага оғир қуроллар топширишига сабаб бўлмоқда
Россиянинг 14 январда Днепрга берилган ракета зарбасига Польша ҳукумати раҳбари Матеуш Моравецкий изоҳ бериб, Россияни зудлик билан тўхтатиш кераклигини айтди.
Россия фуқаролик объектларига ҳужум қилиш ва тинч аҳолини ўққа тутиш орқали онгли равишда ҳарбий жиноятларни амалга оширмоқда. Жаҳон ҳамжамияти агрессор мамлакатни тўхтатиши керак, «Биз ҳозироқ ҳаракатга ўтишимиз ва уни тўхташга мажбур қилишимиз керак», — дейилади Польша бош вазири твитида.
Россиянинг Украинага 14 январь кунги оммавий ҳужуми вақтида Днепр шаҳридаги тўққиз қаватли турар жой биносига ракета келиб тушди. Ракета ҳужуми оқибатида 72 хонадон вайрон бўлган, 230 дан ортиғи зарар кўрган. Сўнгги маълумотларга кўра, ҳодиса натижасида 30 киши ҳалок бўлган. Украина президентининг сўзларига кўра воқеа жойидан ўнлаб одамлар қутқарилган, улардан 6 нафари болалар бўлган.
Айни вазиятда НАТО бош котиби Йенс Столтенберг немис ОАВларига берган интервьюсида яқин орада Украина оғир қуролларнинг навбатдаги партиясини олишини айтган.
НАТО томонидан: Уруш ҳал қилувчи босқичга ўтгани айтилмоқда. Украиналик аскарлар Германияда жанговар тайёргарликдан ўтказилмоқда, Россия эса Беларусь билан қўшма машғулотлар бошлади
Украинадаги уруш тугаганидан кейин НАТО ва Россия муносабатларининг нормаллашишини кутмаслик керак, деди НАТО бош котиби Йенс Столтенберг. Бу ҳақда Handelsblatt хабар бермоқда.
НАТО бош котиби, шунингдек, ҳозир Украинадаги можаронинг ҳал қилувчи босқичи эканини айтиб, Киев ғалаба қозониши учун унга қурол-яроғ етказиб бериш зарур, деган фикрни билдирди. Унинг таъкидлашича, Ғарб давлатлари Россияга паст баҳо бермаслиги керак, унинг «ресурслари катта».
«Биз урушнинг ҳал қилувчи босқичидамиз», — дея маълум қилган котиб, альянс мамлакатлари Киевга оғир ҳарбий техника етказиш бўйича олган мажбуриятларини муҳим деб атамоқда.Ҳозирда, АҚШ Германияда 500 нафар украиналик аскарни жанговар тайёргарликдан ўтказишни бошлаган.
Россия эса Беларусь билан 16 январдан 1 февралгача давом этадиган қўшма авиамашғулотларни бошламоқда.
Ўзбекистонда электр ва газ тармоқлари масаласи муҳокамада: ушбу соҳадаги талон-торожликлар, лавозимидан озод этилган масъуллар. Чиқиш йўли қандай?
Йиғилишда юзага келган вазият соҳалар ҳамда ҳудуд раҳбарларининг бугунги кунгача қандай ишлаганини яққол кўрсатиб қўйгани ҳамда туман ва шаҳар ҳокимлари масъулиятни ҳис қилмасдан, бир ой олдинги совуқ кунлардан ҳеч қандай хулоса чиқармагани айтилди.
Бундан ташқари, бугунги кундаги муаммоларда тизимсиз ишлаш, энергоресурсларни талон-торож қилиш ҳолатлари ҳам сабаб бўлаётгани кўрсатилди. Охирги ойларнинг ўзида нефть-газ ва энергия назорати тизимларида 192 та коррупция ҳолатлари аниқланган.
Президент вазиятни ўнглаш бўйича бош вазир Абдулла Арипов ва энергетика вазири Жўрабек Мирзамаҳмудовга мавжуд ресурсларни адолатли тақсимлаб, муаммоли маҳаллаларда одамларга зудлик билан ёрдам кўрсатадиган тизим яратиш топширилди.
Қаерда газ бўлмаса, суюлтирилган газ ёки кўмир етказишни бугунданоқ ҳал қилиш вазифаси қўйилди. Мазкур вазиятдан келиб чиқиб Икки ой муддатда хориждан малакали мутахассислар олиб келинади ва бошқарув ҳамда ишлаб чиқариш жараёнларини рақамлаштириш бўйича амалий ишлар бошланади.
Бугунги совуқ кунларда қарздорлик деб, хонадонлар электр ва газдан узиб қўйилмайди.
Изоҳ (0)