Венгрия бош вазири НАТО қўшинлари Украинага юборилиши мумкинлигини айтди

Венгрия бош вазири Виктор Орбан ҳозир бу фантазиядай туюлса-да, келажакда НАТО қўшинлари Украинага юборилиши мумкинлигини айтди. Бу ҳақда The American Conservative хабар берди.

Орбан Украинанинг Россия устидан ғалаба қозонишига ишонмаслиги ва Украина аста-секин “назорат қилиб бўлмайдиган вайронага” айланиб бораётганига ишонишини айтди. У, шунингдек, Россия Украинанинг НАТОга аъзо бўлишига йўл қўймаслигини, бироқ айни пайтда Россия украиналикларни босиб олиб, ўз ҳукуматини Киевга ўтказиши мумкин бўлган вақт ўтганини айтди.

“Агар Россия тезда ғалаба қозонса, бунинг амалга ошиши эҳтимоли бор эди, аммо ҳозир имконсиз”, — деди Венгрия бош вазири. 

Бундан ташқари, Орбан келажакда НАТО қўшинлари урушда бевосита иштирок этиши мумкинлигини инкор этмади. Унинг фикрича, агар Россиянинг баҳорги ҳужуми муваффақиятли ўца, НАТО давлатлари Украинага қўшин юбориш масаласини кўриб чиқиши керак.

“Бугун бу ақлдан озгандек туюлади, аммо бу ерга қандай етиб келганимиз тенденциясига қарасангиз, буни инкор этиб бўлмайди. Ғарб ҳозир Россия билан урушиш даражасида. Ҳар куни бу жараёнга чуқурроқ кириб борамиз. Ғарб давлатлари Украинада аллақачон уруш олиб бормоқда, чунки улар украиналикларга Россия тажовузидан ўзларини ҳимоя қилишда ёрдам бермоқда ва келажакда урушда бевосита иштирок этиши мумкин”, — деди у.

Орбаннинг таъкидлашича, у шахсан Ғарб давлатларининг урушда бевосита иштирок этишига қарши, чунки “бу урушдан ҳеч ким ғолиб бўлмайди”.

Венгрия бош вазири агар украиналиклар Россия чегарасини Ғарб қуроллари билан кесиб ўтса, Россия етакчиси Владимир Путин тактик ядро қуролидан фойдаланиши мумкинлигини ҳам хулоса қилди.

Мавзуга доир: Венгрия президенти НАТОни Украинадаги урушга аралашмасликка чақирди