Қашқадарёда ўқитувчи 5-синф ўқувчисини уриб жароҳатлаши, Юнусобод тумани прокуратураси катта терговчисига қидирув эълон қилиниши, Тошкентда инсон тана аъзолари сотилишида даллоллик қилмоқчи бўлган талабанинг ушланиши — “Дарё” нашри бугун, 9 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистондаги 12 та боғчада француз тилини ўқитиш йўлга қўйилади
Бу борада Коkоrо lingua компанияси билан келишувга эришилди.
Мурожаат қилганларнинг 31 таси қуёш панели ўрнатишга мажбурланган — Энергетика вазирлиги
Энергетика вазири Жўрабек Мирзамаҳмудов “Лолазор” подкастида қуёш панелларини ўрнатиш бўйича ноқонуний ҳаракатлар кузатилса, қабулхонасига (71-231-14-41 рақамига) қўнғироқ қилишларини айтганди.
“Ўзбекистон темир йўллари” бош муҳандиси Ҳусниддин Ҳосилов ишдан кетди, аввалроқ йўл қўйган камчиликлари учун бошқарув раислигидан олинганди
У бир неча йил “Ўзбекистон темир йўллари”да раҳбарлик лавозимларида, жумладан, бошқарув раиси сифатида ҳам ишлаган.
Бухорода икки ўқувчи ўлимига сабабчи бўлган автобус ҳайдовчисига жазо тайинланди
Мактаб ўқувчиларини олиб кетаётган автобус юк машинаси билан тўқнашганди.
Тошкентда темир йўл ходимини поезд босиб кетди
У воқеа жойида вафот этган.
Қўлда терилган пахта нархи 2500 сўм этиб белгиланди
Тармоқларда Наманган вилояти ҳокими теримчиларга бир кило пахта учун 2500 сўмдан тўланишини айтган видеолавҳа тарқалди.
Қашқадарёда содир бўлган ЙТҲ оқибатида 2 киши вафот этди
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Ўзбекистонда ўтган етти йилда электромобиллар импорти 10 бараварга ошди
Статистика агентлигининг дастлабки маълумотларига кўра, Ўзбекистонга жорий йилнинг январь—август ойларида хориждан қиймати 166,8 млн долларлик 12 минг 913 та электромобиль импорт қилинган.
Тошкентда инсон тана аъзолари сотилишида даллоллик қилмоқчи бўлган талаба ушланди
Талаба эълонда инсон буйрагини 38 минг долларга, жигарини 43 минг ҳамда суяк илигини 23 минг долларга олишини билдирган.
Қашқадарёдаги тиббиёт муассасасида 2,1 млрд сўмлик “свет”дан ноқонуний фойдаланилгани аниқланди
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Тошкент шаҳри 7,5 млн одам яшаши учун қулай шароитга эга йирик мегаполисга айлантирилади
Шаҳар ва унинг атрофидаги яшил ҳудудлар 3 карра кўпайтирилиб, 25 минг гектарга етказилиши белгиланмоқда.
Юнусобод тумани прокуратураси катта терговчисига қидирув эълон қилинди
Айбланувчига нисбатан сиртдан “қамоққа олиш” тарзидаги эҳтиёт чораси қўлланилган.
Шавкат Мирзиёевга Бухоро халқаро аэропорти лойиҳаси бўйича ахборот берилди
Давлат раҳбари янги аэропортда ўтказувчанлик қобилиятини 2 баробар ошириб, соатига 8 та самолёт келиш-кетишига имконият яратиш зарурлигини таъкидлади.
Қашқадарёда ўқитувчи 5-синф ўқувчисини уриб жароҳатлади
Вилоят Мактабгача ва мактаб таълими бошқармаси ўқитувчининг қўли ўқувчининг бурнига бехосдан тегиб кетганини айтмоқда.
Изоҳ (0)