Тошкентдаги хусусий мактабда икки ўқитувчининг 9-синф ўқувчисига куч ишлатиши, Тошкентдаги икки тарихий маҳаллада арт-резиденцияларнинг тантанали очилиш маросими бўлиши, Наманган вилоят суди раиси ўринбосари ўзганинг уйини сохта ҳужжат орқали ўзлаштириб, сотиб юбориши — “Дарё” нашри бугун, 4 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда янги агентлик ташкил этилиши белгиланди
Адлия вазирлиги мазкур агентлик вазифалари ҳақида маълумот берди.
Ўтган икки ойда хорижда қаровсиз қолган 34 бола Ўзбекистонга қайтарилди
Болалар ва уларнинг оила аъзоларига психологик ҳамда ҳуқуқий ёрдам кўрсатилмоқда.
Ўзбекистонда мактабгача ва мактаб таълими вазири жамғармаси ҳисобидан боғча ходимларини рағбатлантиришга рухсат этилади
Тренер сифатида фаолият юритаётган директор ўринбосарларига лавозим маошининг 20 фоизи миқдорида қўшимча ҳар ойлик устама тўланади.
Абдулла Арипов Ўзбекистон Шахмат федерацияси раиси этиб сайланди
Алишер Саъдуллаев федерация раиси биринчи ўринбосари сифатида фаолиятини давом эттиради.
Тошкентдаги хусусий мактабда икки ўқитувчи 9-синф ўқувчисига куч ишлатди (видео)
Ҳолат болалар омбудсмани томонидан назоратга олингани маълум қилинди.
Тошкентдаги икки тарихий маҳаллада арт-резиденциялар тантанали очилиш маросими бўлди (фото)
Тадбирда Саида Мирзиёева ҳам иштирок этди.
Тарас Шевченко кўчасидаги гастрономик аллеянинг 1-босқичини якунлаш муддати кечиктирилди
Гастрономик кўча бўйлаб 6 та фото-зона барпо этилган, 39 та кичик ва 17 та катта торшерлар ўрнатилган, 1 та автобус бекати қурилган.
Самарқандда содир бўлган ЙТҲ оқибатида ҳайдовчи жароҳатланди
Ҳолат юзасидан дастлабки суриштирув ишлари олиб борилмоқда.
Ўзбекистонда креатив иқтисодиёт ривожлантирилади
Креатив индустрия соҳаларидаги фаолият йўналишларига урбанистика, концерт-томоша фаолияти, рақамли технологиялар соҳасидаги ижодий фаолият кабилар киради.
Наманган вилоят суди раиси ўринбосари ўзганинг уйини сохта ҳужжат орқали ўзлаштириб, сотиб юборди
Суд раисига нисбатан хизмат текшируви ўтказилган, текширув хулосаси тегишли қарор қабул қилиш учун Судьялар олий малака ҳайъатига юборилган.
Tashkent City ҳудудидаги банк биноларини сотиб олишга 4 та инвестор қизиқиш билдиргани маълум қилинди
Жорий йилнинг май ойида “Асакабанк”, “Ўзсаноатқурилишбанк” ва “Алоқабанк”нинг кўп қаватли бинолари сотувга қўйилган эди.
Маҳаллабай ишлаш ва тадбиркорликни ривожлантириш агентлиги Камбағалликни қисқартириш ва бандлик вазирлигига ўтказилади
Президентнинг “Камбағалликни қисқартириш ва бандлик соҳасида давлат сиёсатини такомиллаштириш ва самарадорликни ошириш чора-тадбирлари тўғрисида”ги қарори қабул қилинди.
Изоҳ (0)