Энергия самарадорлиги миллий агентлиги ташкил этилиши, Чирчиқда 32 ёшли эркак дўкон эгаси томонидан калтакланиши оқибатида вафот этиши, такси ҳайдовчиларига махсус ажратилган йўлакда ҳаракатланиш ҳуқуқи берилиши — “Дарё” нашри бугун, 2 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда қишлоқ хўжалигига мўлжалланган ерларни қайта ижарага беришга рухсат этилди
Туман ҳокими иштирокида уч томонлама шартнома тузилади.
Европа кенгаши президенти ташриф билан Самарқандга келди
Антониу Коштани бош вазир Абдулла Арипов ва бошқа расмийлар кутиб олди.
Ўзбекистонда Энергия самарадорлиги миллий агентлиги ташкил этилади
Уй-жойлар энергия аудитини ўтказиш харажатлари ҳамда қуёш панеллари ва гелиоколлекторлар, иссиқлик насослари қийматининг бир қисмини қоплаш учун агентлик томонидан субсидия ажратилади.
Тошкентда чет эл фуқаросидан фирибгарлик билан 70 минг доллар талаб қилган уч киши ушланди (видео)
Жиноятда пойтахт ҳокимлиги Юридик бошқармаси юрисконсулти, Иқтисодиёт ва молия бош бошқармаси бош мутахассиси ва яна бир киши иштирок этган.
Ўзбекистонда аҳолиси ижтимоий оғир 300 та маҳаллада кичик қувватли фотоэлектр станциялар ўрнатилади
Электр энергияси ва табиий газни иқтисод қилиш бўйича қатор чоралар белгиланди.
Янги ташкил этилган “Иссиқликтаъминоти”га бошқарув раиси тайинланди
Ушбу акциядорлик жамиятига Илҳом Тўраев раҳбарлик қилади.
Чирчиқда 32 ёшли эркак дўкон эгаси томонидан калтакланиши оқибатида вафот этди
Бу ҳақда “Дарё” сўровига жавобан бош прокуратура ахборот хизмати раҳбари Ҳаёт Шамсутдинов маълум қилди.
Ўзбекистонда 600 минг гектардан ортиқ майдонда чигиртка тарқалиши прогноз қилинган
Зарарли чигиртка тарқалган ҳудуд ҳақида хабар бериш сўралди.
Парижда “Замонлар оша нигоҳ: Худойберган Девонов мероси” кўргазмаси ўтказилмоқда
“Бу маданий ўзлигимизни ифода этувчи ташаббуслардан бири, қадриятларимиз ва анъаналаримизни англаш учун бебаҳо тарихий манба”, деб ёзади Саида Мирзиёева.
Тошкентда аёл қўшнисининг боласини уриб, тарсаки туширди (видео)
Ҳолат юзасидан терговга қадар текширув ўтказилмоқда.
Шавкат Мирзиёев “Марказий Осиё—Европа иттифоқи” биринчи саммити тадбирларида иштирок этиш учун Самарқандга борди
Бугун давлат раҳбари Европа кенгаши президенти Антониу Кошта билан норасмий учрашув ўтказади.
Ўзбекистон Миллий симфоник оркестри ўз маҳоратини ЮНЕСКО бош қароргоҳида намойиш этди
“ЮНЕСКО Бош конференциясининг Самарқандда бўлиб ўтадиган 43-сессияси арафасида, биз юртимизнинг мусиқаси, ижод оламини дунё билан баҳам кўришда давом этяпмиз!”, деб ёзади Саида Мирзиёева.
Қамчиқда Honda автомобили пастликка тушиб кетди (видео)
Ҳайдовчи бошқарувни йўқотиб йўл четидаги тўсиққа урилиши оқибатида уни кесиб ўтган.
Қашқадарёдаги мактабда директор ва ўқитувчи аёл соч юлишиб жанжаллашди (видео)
Жанжалда иштирок этган ўқитувчи воқеа сабабини айтиб берди.
Такси ҳайдовчиларига махсус ажратилган йўлакда ҳаракатланиш ҳуқуқи берилади — Ҳукумат қарори
Унда юридик шахсларга тегишли йўналишсиз таксиларга қатор ҳуқуқлар берилган.
Қорақалпоғистонда ноқонуний балиқ овлаш натижасида табиатга 752 млн сўм зарар етказилди
Ҳолат юзасидан ҳужжатлар расмийлаштирилиб, терговга қадар текширув ишлари олиб борилмоқда.
Шавкат Мирзиёев Европа кенгаши президенти билан норасмий учрашув ўтказди
Учрашувда икки томонлама ва минтақавий аҳамиятга молик долзарб масалалар юзасидан фикр алмашилди.
Изоҳ (0)