Самарқандда Range Rover уриб юборишидан Lacetti ҳайдовчисининг вафот этиши, “хотиним қиз туғса ахлатга ташлайман” деб чиқиш қилган тиктокерга жиноят иши қўзғатилиши, Қашқадарёда пахта теримига чиқмаганларга бола пули берилмаслигини айтган маҳалла раисининг жаримага тортилиши — “Дарё” нашри бугун, 10 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Самарқандда Range Rover уриб юборишидан Lacetti ҳайдовчиси вафот этди
Range Rover ҳайдовчиси автомобилини юқори тезликда бошқарган.
Ўзбекистонда пахта теримига мажбурлаш билан боғлиқ ҳолатлар назоратга олинди
Сенатнинг Одам савдосига қарши курашиш ва муносиб меҳнат масалалари бўйича миллий комиссияси бундай ҳолатлар зудлик билан ўрганилишини билдирди.
Асоссиз қарздорликлар, ёнғинга сабаб бўлган кучланиш ва мунтазам узиладиган симлар — Рақобат қўмитаси электр энергияси билан боғлиқ муаммолар юзасидан ахборот берди
Рақобат қўмитасига республика бўйлаб истеъмолчилар томонидан коммунал соҳаси – электр таъминотига оид тушган мурожаатларнинг аксариятида электр энергияси истеъмолини ҳисобга олиш ускуналарини харид қилиш, ўрнатиш, рўйхатдан ўтказиш, даврий давлат қиёслови ва пломбалаш жараёнлари, шунингдек, асоссиз қарздорликларни юзага келаётгани юзасидан эътирозлар билдирилган.
АҚШдаги ўзбекистонликлар “Милтон” тўфони сабаб эҳтиёт чораларини кўришга чақирилди
“Милтон” тўфони Флорида штатига ёпирилди.
Биржа савдолари: Аи-80 бензин қимматлашмоқда
Биржа савдоларида Аи-80 бензиннинг тоннаси 78,1 минг сўмга қимматлаб, 9 миллион 726 минг сўмга чиққан.
Марказий банк раисига янги ўринбосар тайинланди
Ушбу лавозимни Марказий банкнинг Валютани тартибга солиш ва тўлов баланси департаменти директори Аброр Мирзо Олимов эгаллади.
“Хотиним қиз туғса ахлатга ташлайман” деб чиқиш қилган тиктокерга жиноят иши қўзғатилди
Унинг гаплари кенг жамоатчилик эътирози ва муҳокамаларига сабаб бўлди.
Ўзбекистонда 2023 йилда 100 тонна олтин қазиб олинди
Қозоғистон минтақа давлатлари орасида бу кўрсаткич бўйича етакчилик қилмоқда.
Қашқадарёда пахта теримига чиқмаганларга бола пули берилмаслигини айтган маҳалла раиси жаримага тортилди
Жарима миқдори — 18 млн 750 минг сўм.
Ўзбекистонда “Техник тартибга солиш” электрон платформаси ишга туширилади
Президент техник жиҳатдан тартибга солиш соҳасидаги ишлар ва режалар билан танишди.
Шавкат Мирзиёев Туркманистонга жўнаб кетди
Давлат раҳбари Махтумқули Фироғий таваллудининг 300 йиллигига бағишланган халқаро форумда иштирок этади.
ЖЧ—2026 саралаши. Ўзбекистон Эрон билан дуранг ўйнади
“Бунёдкор”да ўтган ўйинда дарвозалар ишғол этилмади.
Изоҳ (0)