Наманганда содир бўлган ЙТҲ юзасидан жиноят иши қўзғатилиши, Қашқадарёдаги пропан заправкада ёнғин содир бўлиши, “Афросиёб” поездлари ҳаракатланиш жадвалига ўзгартириш киритилиши — “Дарё” нашри бугун, 7 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда октябрдаги пенсия тўловлари бўйича маълумот берилди
Сентябрда пенсиялар миқдори ошгани хабар қилинганди.
Ўзбекистонда боғ ва токзорлар учун ер солиғи 3 бараварга оширилиши мумкин
Иқтисодий жиҳатдан самарасиз ва кам ҳосилли деб хулоса берилгач, 12 ой ичида янги боғ ёки токзорлар барпо этилмаса, шундай йўл тутилади.
Самарқандда янги қурилаётган мактабнинг сифатсиз деворлари буздирилди (видео)
1800 ўринли мактаб биноси қурилишида қатор қоидабузарликлар аниқланган.
Самарқандда ичимлик сувига ноқонуний уланган оилавий шифокорлик пункти жаримага тортилди
Жомбой туманида жойлашган оилавий шифокорлик пункти ичимлик суви тармоғидан ўзбошимчалик билан фойдаланаётгани аниқланган.
Олий суд фарзандликка олиш тартиби юзасидан тушунтириш берди
Чет эл фуқароси ёки фуқаролиги бўлмаган шахс томонидан Ўзбекистон Республикасининг фуқароси бўлган болани фарзандликка олиш ҳақида ариза берилиши мумкин.
“Афросиёб” поездлари ҳаракатланиш жадвалига ўзгартириш киритилди
Қатновлар вақти бир соат олдинга кўчирилди.
Наманганда мактаб ўқувчиси бошқарган Gentra юк машинаси билан тўқнашиб кетди, ҳайдовчи вафот этди
Юк машинаси билан тўқнашган Gentra’ни вояга етмаган болалар ижарага олиб бошқариб кетаётган бўлган.
Кўп қаватли турар жой қурилишига рухсатнома берилиши натижасида аҳолининг мурожаати кундан кунга кўпаймоқда — Қурилиш вазирлиги
Кўп қаватли уйларнинг қурилишига норозиликнинг аксари аҳоли яшаш уйлари билан оралиқ масофа сақланмаслиги билан боғлиқ.
Қашқадарёдаги пропан заправкада ёнғин содир бўлди
Ҳодиса оқибатида тан жароҳати олган ва вафот этганлар йўқ.
Ишсиз ва иш қидираётган фуқароларга ишга жойлаштириш йўлланмасини исталган бандлик органлари орқали олиш имконияти яратилди
Вазирлик томонидан аҳолига бандлик хизматларини экстерриториал тарзда кўрсатиш тартиби ишлаб чиқилади.
Наманганда содир бўлган ЙТҲ юзасидан жиноят иши қўзғатилди
Шунингдек, Lacetti эгаси автомашина бошқариш ҳуқуқи бўлмаган шахсга транспорт воситасини топширгани юзасидан ҳам терговга қадар текширув ҳаракатлари олиб борилмоқда.
Ўқувчисини калтаклаган Target хусусий мактаби ўқитувчилари жаримага тортилди
27 ёшли ўқитувчи ўқувчиси дарсга кеч қолгани учун чизғич билан урганини тасдиқлади.
Шавкат Мирзиёев Москвага етиб борди
“Внуково” аэропортида давлат раҳбарини Россия президентининг ёрдамчиси Максим Орешкин кутиб олди.
Самарқандда “ЗИЛ” ва “Жигули” иштирокида содир бўлган ЙТҲ оқибатида ҳайдовчи вафот этди
Юк машинаси мумкин бўлмаган жойдан қайрилиб, тўғридан келаётган “Жигули” автомобилига йўл бермаган.
Изоҳ (0)