Тошкентдаги Парламентлараро иттифоқ тадбирида Замбия вакили вафот этиши, Бандлик вазирлигининг Андижон шаҳар бўлими масъули ишхонасида психотроп модда истеъмол қилиши, концерт-томоша тадбирларида фонограммадан фойдаланиш босқичма-босқич чекланиши — “Дарё” нашри бугун, 9 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда ёнғин чиққан уйдан икки йигит пичоқланган ҳолда топилди
Бош прокуратура ҳолат юзасидан жиноят иши қўзғатилганини, гумонланувчи эса қўлга олинганини маълум қилди.
Сурхондарёда севгилисини қучоғига ўтқизиб, машина бошқарган ҳайдовчига чора кўрилди (видео)
Йигит ва қиз барчадан узр сўради ва қилган ишидан уялганини таъкидлади.
Тошкентдаги Парламентлараро иттифоқ тадбирида Замбия вакили вафот этди
Рой Нгулубенинг вафотига касаллик сабаб бўлгани маълум қилинди.
ChatGPT энди Ўзбекистонда солиқ тўлайди
Америка компанияси Ўзбекистонда солиқ тўловчи сифатида рўйхатдан ўтди.
Бандлик вазирлигининг Андижон шаҳар бўлими масъули ишхонасида психотроп модда истеъмол қилгани айтилмоқда (фото)
Камбағалликни қисқартириш ва бандлик вазирлигининг Андижон вилояти бошқармаси ахборот хизмати расмдаги шахс бошқарманинг Андижон шаҳар бўлими бошлиғи эканини тасдиқлади.
Шавкат Мирзиёев реновация дастурига доир таклифлар тақдимоти билан танишди
Лойиҳага асосан эски уйлар ўрнида замонавий уйлар қурилади. Мулкдорларга янги уй ёки компенсациялар таклиф қилинади.
Президент дунё иқтисодиётида ҳозир фавқулодда вазият кузатилаётганини айтди
Давлат раҳбари раислигида ҳудудларнинг туризм салоҳиятини янада ошириш ҳамда хорижий ҳамкорлар билан амалга оширилаётган инвестиция лойиҳаларини жадаллаштириш юзасидан видеоселектор йиғилиши бошланди.
Шавкат Мирзиёев сайёҳлар Хоразм, Бухоро, Қашқадарё ва Сурхондарёдан ўтган магистрал ва ички йўллар аҳволидан норозилигини айтди
Мутасаддиларга “туризм ҳалқаси”га кирган йўлларни таъмирлаш бўйича ишларни бошлаш топширилди.
Пойтахтда мактаб директори ўқувчининг ота-онаси билан жанжаллашиб, сўкди (видео)
Тошкент шаҳар Мактабгача ва мактаб таълими бошқармаси ҳолатни изоҳлади.
Ўзбекистонда ҳар ойнинг битта шанба ва якшанбаси “оила ва меҳнат жамоаси билан саёҳатга чиқиш” куни деб эълон қилинади
Ҳар йили ички туризм тарғиботини кенгайтиришга 20 млрд сўм ажратилади.
Республиканинг барча тарихий обидаларига кириш имконини берадиган “ягона туристик карта” жорий қилинади
2025 йили маданий мерос объектлари реставрациясига камида 4 млн доллар грант жалб қилинади.
Ўзбекистонда янги экилган пиёз нархи рекорд даражада қимматлади
Вазият юзасидан тушунтириш берилди.
“Кўп вазирлар, тармоқ раҳбарлари ва ҳокимлар инвестиция ўзи бўлаверади, деган фикр билан юрибди” — Шавкат Мирзиёев
Қашқадарё, Хоразм вилоятлари ҳокимларининг инвестиция бўйича ўринбосарларига ҳайфсан берилган.
Энди банклар четдан маблағ жалб қилиши билан уни қандай лойиҳаларга бериши ҳақида ҳокимларни хабардор қилади
Ҳокимлар эса тадбиркорлар ишлаб чиққан тайёр лойиҳаларни тўплаб, банкларга тақдим этади.
Концерт-томоша тадбирларида фонограммадан фойдаланиш босқичма-босқич чекланади
Ижодкорларни давлат мукофотларига тавсия этишда уларнинг жонли ижро эта олиш қобилияти инобатга олинади.
Энди ёмон иқлим шароитида яшайдиган айрим туман ва шаҳарларда ишловчиларга устама пул тўланади
Ҳукумат қарори билан тегишли низом тасдиқланди.
Изоҳ (0)