Германия спорт журналистлари ассоциацияси 2020 йилнинг энг яхшиларини аниқлади.
Унга кўра, «Бавария» ҳужумчиси Роберт Левандовски Германиянинг 2020 йилдаги энг яхши футболчиси деб топилди. Польшалик футболчи 525 овоздан 276 тасини қўлга киритган. Иккинчи ўринда Томас Мюллер (54 овоз) қайд этилган бўлса, кучли учликни яна бир мюнхенликлар вакили Йозуа Киммих (49) эгаллаган.
Польшалик футболчи 2019/20 йилги мавсумда Бундеслига, Германия Кубоги ва Чемпионлар Лигасида энг яхши тўпурарга айланди.
Германиянинг энг яхши мураббийи сифатида «Бавария» устози Ханс-Дитер Флик эътироф этилди. Жамоаси билан требл қайд этган мутахассис 223 та овоз тўплаган. Иккинчи ўринни «Ливерпуль» бош мураббийи Юрген Клопп (164) эгаллади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)