“Барселона” футболчилари Ламин Ямал ва Гави клуб раҳбариятидан “Атлетик” ярим ҳимоячиси Нико Уильямсни сотиб олишни сўради. Бу ҳақида Эл Наcионал нашрига таяниб Спорт-Эхпресс хабар бермоқда.
Манбага кўра, “кўк-анорранглилар” бош мураббийи Ҳанси Флик ҳам 22 ёшли футболчининг жамоага қўшилишига ижобий фикр билдирган. Нико ўтган мавсум “Барселона” сафига ўтиши ҳақида хабар қилинган эди, аммо клубнинг молиявий ҳолати сабаб трансфер амалга ошмади.
Шунингдек, “Челси” ҳам Уильямс трансфери бўйича музокаралар олиб бораётгани ҳақида ОАВда хабарлар тарқалди. Футболчининг шартномасида унинг товон пули 58 миллион евро этиб кўрсатилган. Аммо Бильбао клуби ўз етакчисини ушбу суммага қўйиб юборишни истамаяпти.
Жорий мавсумда испаниялик вингер барча турнирларда 37 ўйинда майдонга тушиб, 9 та гол ва 7 та голли узатма муаллифига айланди. Унинг “Атлетик” билан шартномаси 2027 йил ёзига қадар амал қилади.
Изоҳ (0)