ФИФА The Best—2021 совринига номзод футболчилар рўйхатини эълон қилди.
Унга кўра, рўйхатдан Карим Бензема («Реал»), Кевин де Брюйне («Манчестер Сити»), Криштиану Роналду («Манчестер Юнайтед»), Эрлинг Ҳоланд («Боруссия Д»), Жоржиньо, Нголо Канте («Челси»), Роберт Левандовски («Бавария»), Килиан Мбаппе, Лионель Месси, Неймар (учаласи «ПСЖ») ва Муҳаммад Салоҳ («Ливерпуль») ўрин олган.
Ташкилот, шунингдек, 2021 йилнинг энг яхши мураббийи номинациясига даъвогарлик қилаётган мутахассислар номини ҳам маълум қилди. Булар: Антонио Конте («Тоттенҳэм»), Ҳанс-Дитер Флик (Германия), Хосеп Гвардиола («Манчестер Сити»), Роберто Манчини (Италия), Лионель Скалони (Аргентина), Диего Симеоне («Атлетико») ва Томас Тухель («Челси»).
Алиссон («Ливерпуль»), Жанлуижи Доннарумма («ПСЖ»), Эдуард Менди («Челси»), Мануэль Нойер («Бавария») ва Каспер Шмейхель («Лестер») эса йилнинг энг дарвозабони номи учун кураш олиб боради.
Мазкур рўйхатлар собиқ футболчилардан ташкил топган экспертлар гуруҳи томонидан аниқланган.
Номинациялар бўйича ғолиблар 2021 йилнинг 22 ноябридан 10 декабригача бўлган муддатда овоз бериш жараёнида аниқланади. Тақдирлаш маросими эса 2022 йил 17 январида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)