Германия профессионал футболчилар уюшмаси «Бавария» ҳужумчиси Роберт Левандовскини 2020/21 йилги мавсумнинг энг яхши футболчиси деб эътироф этди.
Сўровномада Бундеслиганинг ўтган мавсумида 41 та гол урган польшалик футболчи 75,9% овоз тўплади. Роберт ушбу совринни бешинчи марта қўлга киритди.
Иккинчи ўринни «Боруссия Д» ҳужумчиси Эрлинг Ҳолланд (7,1%) эгаллади, кучли учликка эса «Бавария» ҳужумкор ярим ҳимоячиси Томас Мюллер (3,5%) якун ясаб берди.
Мавсумнинг энг яхши ёш ўйинчиси совринига «Боруссия Д» ярим ҳимоячиси Жуд Беллингҳем (24,1%) эга чиқди. У бу йўлда «Бавария» вакили Жамол Мусиалани ортда қолдирди (19,9%).
Мавсумнинг энг яхши мураббийига топшириладиган совринни «Айнтрахт» бош мураббийи Ади Ҳюттер (34,0%) қўлга киритган бўлса, «Бавария» бошқарувидан кетган Ҳанс-Дитер Флик 29,1% фоиз овоз тўплади.
Ташкилот талқинига кўра мавсум рамзий терма жамоаси:
Дарвозабон: Мануэль Нойер («Бавария»).
Ҳимоячилар: Альфонсо Дэвис, Давид Алаба (иккиси – «Бавария»), Даё Упамекано («Лейпциг»), Мац Ҳуммелс («Боруссия Д»);
Ярим ҳимоячилар: Филип Костич («Айнтрахт»), Томас Мюллер, Йозуа Киммих, Леон Горетцка (барчаси – «Бавария»);
Ҳужумчилар: Роберт Левандовски («Бавария»), Эрлинг Ҳоланд («Боруссия Д»).
Изоҳ (0)