Франциянинг L’Equipe нашри Германия Бундеслигасининг энг кўп маош олувчи ўйинчи ва мураббийлари рейтингини тузиб чиқди.
Футболчилар орасида «Бавария» вакиллари энг юқори ўринларга жойлашган. Мюнхенликлар ҳужумчиси Роберт Левандовски ва дарвозабон Мануэль Нойер ойига 1,7 миллион евро (солиққача бўлган миқдор) маош олади.
Топ-5 ликдан шунингдек, Лерой Сане (1,5 млн евро), Томас Мюллер (1,3 млн евро) ва Люка Эрнандес (1,1 млн евро) каби «Бавария» ўйинчилари жой олган.
Мураббийлар орасида эса «Бавария» устози Ҳанс-Дитер Флик (ойига 0,58 млн евро) етакчи бўлса, «Байер» бош мураббийи Петер Бос (0,29 млн евро) иккинчи ўринда. Учинчи поғонадан «Лейпциг» устози Юлиан Нагелсманн (0,25 млн евро) ўрин олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)